തിരുവനന്തപുരം: സര്ക്കാര്/ സ്വാശ്രയ കോളേജുകളില് പോസ്റ്റ് ബേസിക് ബി.എസ്.സി നഴ്സിംഗ് കോഴ്സിന് ഒഴിവുള്ള സീറ്റുകളിലേക്ക് പ്രവേശനത്തിനുള്ള സ്പോട്ട് അലോട്ട്മെന്റ് 30 ന് എല്.ബി.എസ് സെന്റര് ജില്ലാ ഫെസിലിറ്റേഷന് സെന്ററുകളില് രാവിലെ 10 ന് നടത്തും. റാങ്ക് ലിസ്റ്റില് ഉള്പ്പെട്ട അപേക്ഷകര് എല്.ബി.എസ്സ് ജില്ലാ ഫെസിലിറ്റേഷന് കേന്ദ്രങ്ങളില് രാവിലെ 11 നകം നേരിട്ട് ഹാജരായി രജിസ്റ്റര് ചെയ്താല് മാത്രമെ സ്പോട്ട് അലോട്ട്മെന്റില് പങ്കെടുക്കുവാന് സാധിക്കുകയുള്ളൂ. മുന് അലോട്ട്മെന്റുകള് വഴി പ്രവേശനം നേടിയവര് കോളേജുകളില് നിന്നുമുള്ള എന്.ഒ.സി ഹാജരാക്കണം. ഒഴിവുകളുടെ വിശദാംശങ്ങള് www.lbscentre.kerala.gov.in ല് അലോട്ട്മെന്റിനു മുമ്പ് പ്രസിദ്ധീകരിക്കും. അലോട്ട്മെന്റ് ലഭിക്കുന്നവര് അന്നേ ദിവസം തന്നെ നിര്ദ്ദിഷ്ടഫീസ് അടയ്ക്കണം. കൂടുതല് വിവരങ്ങള്ക്ക്: 0471-2560363, 364.
