പണി ചെയ്യാന്‍ പുറത്തേക്ക് ഇറക്കി; പീരുമേട് സബ് ജയിലില്‍ നിന്ന് പ്രതി രക്ഷപ്പെട്ടു

ഇടുക്കി: പണി ചെയ്യാന്‍ പുറത്തേക്ക് ഇറക്കിയപ്പോള്‍ പീരുമേട് സബ് ജയിലില്‍ നിന്നും പ്രതി രക്ഷപ്പെട്ടു. കുമളി ആനവിലാസം കന്നിക്കല്‍ സ്വദേശി കാരക്കാട്ടില്‍ സജന്‍ ആണ് രക്ഷപ്പെട്ടത്. പണി ചെയ്യാന്‍ പുറത്ത് ഇറക്കിയപ്പോള്‍ കണ്ണുവെട്ടിച്ച് കടന്നു കളയുകയായിരുന്നുവെന്നാണ് വിവരം. ഉച്ചയ്‌ക്ക് ഒരു മണിയോടെയാണ് സംഭവം. ജോലിക്കായി പുറത്തിറക്കിയ ഉടന്‍ തന്നെ അധികൃതരുടെ കണ്ണുവെട്ടിച്ച് പ്രതി രക്ഷപ്പെടുകയായിരുന്നു. ഉപ്പുതറ സ്റ്റേഷനില്‍ രണ്ട് കേസും ഇയാള്‍ക്കെതിരെ ഉണ്ട്. അതേസമയം, പ്രതിക്കുവേണ്ടിയുള്ള അന്വേഷണം ഊര്‍ജ്ജിതമാക്കിയിരിക്കുകയാണെന്ന് പൊലീസ് വ്യക്തമാക്കി.