ചിറയിന്‍കീഴ്: 25 ഡയാലിസിസ് രോഗികള്‍ക്കും നിര്‍ധനരായ 25 കാന്‍സര്‍ രോഗികള്‍ക്കും ന്യൂരാജസ്ഥാന്‍ മാര്‍ബിള്‍സ് എംഡി സി. വിഷ്ണുഭക്തന്‍ ഒമ്പത് വര്‍ഷമായി എല്ലാ മാസവും നല്‍കുന്ന ചികിത്സാ ധനസഹായത്തിന്റെ വിതരണോദ്ഘാടനം ഒ.എസ്. അംബിക എംഎല്‍എ നിര്‍വഹിച്ചു.
ക്യാന്‍സര്‍ രോഗികളുടെയും വൃക്കരോഗികളുടെയും എണ്ണം വര്‍ധിച്ചുവരുന്ന സാഹചര്യത്തില്‍ സര്‍ക്കാര്‍ മാത്രം വിചാരിച്ചാല്‍ പരിഹരിക്കുന്നതിനുമപ്പുറം വിഷ്ണുഭക്തനെപ്പോലുള്ളയുള്ളവര്‍ ഇത്തരം പ്രവര്‍ത്തികളിലേയ്‌ക്ക് കടന്നുവരുന്നത് സ്വാഗതാര്‍ഹമാണെന്ന് അവര്‍ പറഞ്ഞു.
ന്യൂരാജസ്ഥാന്‍ മാര്‍ബിള്‍സ് 20 വര്‍ഷം മുമ്പ് നിര്‍മിച്ച് നല്‍കിയ ചിറയിന്‍കീഴ് താലൂക്ക് ആശുപത്രിയിലെ ഐസി യൂണിറ്റ് മന്ദിരത്തില്‍ നടന്ന ചടങ്ങില്‍ ന്യൂരാജസ്ഥാന്‍ മാര്‍ബിള്‍സ് എംഡി സി. വിഷ്ണുഭക്തന്‍, ചിറയിന്‍കീഴ് ഗ്രാമപഞ്ചായത്ത് പ്രസിഡന്റ് എം. അബ്ദുള്‍ വാഹീദ്, ചിറയിന്‍കീഴ് ബ്ലോക്ക് പഞ്ചായത്ത് വൈസ് പ്രസിഡന്റ് ഫിറോസ് ലാല്‍, ബ്ലോക്ക് പഞ്ചായത്ത് സ്റ്റാന്‍ഡിംഗ് കമ്മിറ്റി ചെയര്‍മാന്‍ ജോസഫിന്‍ മാര്‍ട്ടിന്‍, സിന്ധു, മഞ്ജു, ശിവദാസ് എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: