കണ്ണുകളുടെ കാര്യത്തില്‍ ശ്രദ്ധ ആവശ്യമാണെങ്കിലും ജീവിത ശൈലിയിലെ മാറ്റങ്ങള്‍ കാരണം ഇതിന് സാധിക്കാറില്ല. സ്മാര്‍ട്ട് ഫോണുകളുടെ വര്‍ദ്ധിച്ചുവരുന്ന ഉപയോഗം, സ്‌ക്രീന്‍ സമയം, പോഷകാഹാരക്കുറവ് എന്നിവയെല്ലാം കണ്ണുകളുടെ ആരോഗ്യത്തെ പ്രതികൂലമായി ബാധിക്കുന്ന കേസുകള്‍ അടുത്തിടെ ധാരാളം റിപ്പോര്‍ട്ട് ചെയ്തിട്ടുണ്ട്. ഇതിന് പുറമെ ഉണ്ടാകുന്ന പോഷകാഹാരക്കുറവ് കാഴ്ചയെ മാത്രമല്ല മൊത്തത്തിലുള്ള കണ്ണിന്റെ ആരോഗ്യത്തെയും ബാധിക്കുന്നു. നല്ല കാഴ്ചയ്‌ക്ക് ആവശ്യമായ ചില പോഷകങ്ങളുണ്ട്. അവയില്‍ ചിലത് ല്യൂട്ടിന്‍, സിയാക്‌സാന്തിന്‍, ബീറ്റാ കരോട്ടിന്‍, വിറ്റാമിന്‍ എ, സിങ്ക്, വിറ്റാമിന്‍ സി, വിറ്റാമിന്‍ ഇ, ഒമേഗ -3 ഫാറ്റി ആസിഡ് എന്നിവ അടങ്ങിയ ഭക്ഷണങ്ങള്‍ കണ്ണുകളുടെ ആരോഗ്യത്തിന് പ്രധാനമാണ്. കാഴ്ചശക്തി കൂട്ടുന്നതിനും കണ്ണുകളുടെ ആരോഗ്യത്തിനുമായി കഴിക്കേണ്ട ഭക്ഷണങ്ങള്‍ ഇതൊക്കെയാണ്…
വെണ്ടയ്‌ക്ക
വെണ്ടയ്‌ക്കയില്‍ ബീറ്റാ കരോട്ടിന്‍ അടങ്ങിയിട്ടുണ്ട്. അതില്‍ സിയാക്‌സാന്തിന്‍, ല്യൂട്ടിന്‍ എന്നിവ അടങ്ങിയിട്ടുണ്ട്, ഈ പോഷകങ്ങളെല്ലാം നല്ല കാഴ്ച നിലനിര്‍ത്താന്‍ അത്യാവശ്യമാണ്. കണ്ണിന്റെ മൊത്തത്തിലുള്ള ആരോഗ്യം നിലനിര്‍ത്താന്‍ സഹായിക്കുന്ന വിറ്റാമിന്‍ സിയും ഇതില്‍ അടങ്ങിയിട്ടുണ്ട്.
ക്യാരറ്റ്
കണ്ണുകളുടെ ആരോഗ്യത്തിന് സഹായിക്കുന്ന മറ്റൊരു പച്ചക്കറിയാണ് ക്യാരറ്റ്. ബീറ്റ കരോട്ടീന്‍ ധാരാളമായി അടങ്ങിയിരിക്കുന്നതിനാല്‍ ക്യാരറ്റ് പതിവായി കഴിക്കുന്നത് കണ്ണുകളുടെ ആരോഗ്യത്തിന് ഏറെ ഗുണകരമാണ്. വിറ്റാമിന്‍ എയും മറ്റ് ആന്റി ഓക്‌സിഡന്റുകളും ഇതില്‍ ധാരാളമായി അടങ്ങിയിരിക്കുന്നു.
മധുരക്കിഴങ്ങ്
ധാരാളം പോഷ?ക?ഗുണങ്ങള്‍ അടങ്ങിയ ഒന്നാണ് മധുരക്കിഴങ്ങ്. ബീറ്റ കരോട്ടീന്‍ ധാരാളമായി അടങ്ങിയിരിക്കുന്ന ഇവ കണ്ണിന്റെ ആരോഗ്യത്തിന് ഏറെ നല്ലതാണ്.
ആപ്രിക്കോട്ട്
ഉയര്‍ന്ന ബീറ്റാ കരോട്ടിന്‍ അടങ്ങിയ ആപ്രിക്കോട്ട് ആരോഗ്യകരമായ പഴങ്ങളില്‍ ഒന്നാണ്. ആപ്രിക്കോട്ടില്‍ കാണപ്പെടുന്ന വിറ്റാമിന്‍ സി, ഇ, സിങ്ക്, ചെമ്പ് തുടങ്ങിയ പോഷകങ്ങള്‍ പതിവായി കഴിക്കുന്നത് മാക്യുലര്‍ ഡീജനറേഷന്റെ സാധ്യത കുറയ്‌ക്കുക ചെയ്യും.
പേരയ്‌ക്ക
വിറ്റാമിന്‍ എ, സി എന്നിവ കണ്ണിന്റെ ആരോഗ്യത്തിന് അത്യാവശ്യമാണ്. പേരയ്‌ക്കയില്‍ ഇവ ധാരാളം അടങ്ങിയിട്ടുണ്ട്. അതിനാല്‍ പേരയ്‌ക്ക കഴിക്കുന്നത് കണ്ണിന്റെ ആരോഗ്യത്തിന് ഉത്തമമാണ്.
ബ്രൊക്കോളി
കണ്ണിന്റെ ആരോഗ്യം വര്‍ദ്ധിപ്പിക്കുന്ന ആന്റിഓക്സിഡന്റായ ല്യൂട്ടിന്‍ ബ്രൊക്കോളിയില്‍ ധാരാളം അടങ്ങിയിട്ടുണ്ട്. നാരുകളാല്‍ സമ്പുഷ്ടമായ ബ്രൊക്കോളി വിറ്റാമിന്‍ സി, ബീറ്റാ കരോട്ടിന്‍, ല്യൂട്ടിന്‍, സിയാക്‌സാന്തിന്‍ എന്നിവയും അടങ്ങിയിട്ടുണ്ട്.
നെല്ലിക്ക
ധാരാളം പോഷകങ്ങള്‍ അടങ്ങിയതും വി?റ്റാ?മി?ന്‍ സിയാല്‍ സമ്പുഷ്ടവുമാണ് നെല്ലിക്ക. വി?റ്റാ?മി?ന്‍ സി? ധാരാളം അടങ്ങിയ നെല്ലിക്ക കഴിക്കുന്നത് കണ്ണിന്റെ ആരോഗ്യത്തിന് ഏറെ നല്ലതാണ്.
ഇലക്കറികള്‍
ആന്റി ഓക്‌സിഡന്റുകളും മറ്റ് പോഷകങ്ങളും ധാരാളം അടങ്ങിയ ഇലക്കറികള്‍ കണ്ണിന്റെ ആരോഗ്യത്തിന് ഏറെ നല്ലതാണ്.
നട്‌സ്
ബദാം, വാല്‍നട്ട് തുടങ്ങിയ നട്‌സുകള്‍ നല്ല കാഴ്ചശക്തി വര്‍ദ്ധിപ്പിക്കുന്നതിന് മാക്യുലര്‍ ഡീജനറേഷന്‍ പ്രക്രിയയെ മന്ദഗതിയിലാക്കാനും സഹായിക്കുന്നു.
മീന്‍
പതിവായി മീന്‍ കഴിക്കുന്നത് കാഴ്ചശക്തി കൂട്ടുന്നു. ഒമേഗ -3 ആസിഡുകളുടെ സമ്പന്നമായ ഉള്ളടക്കം മാക്യുലര്‍ ഡീജനറേഷന്റെ സാധ്യതകളെ തടയും.
