പെരുമ്പാവൂർ : യുവാവിനെ ആക്രമിച്ച് പരിക്കേൽപ്പിച്ച കേസിൽ മൂന്നുപേർ അറസ്റ്റിൽ. വേങ്ങൂർ ചൂണ്ടക്കുഴി കണ്ണംചേരി മുകൾ ഭാഗത്ത് കുറുപ്പാലി വീട്ടിൽ ജോജി (27), നെടുങ്ങപ്ര കല്ലിടുമ്പി വീട്ടിൽ അമൽ (30), ചൂരത്തോട് കുഴിപ്പനം വീട്ടിൽ എൽബിൻ (30) എന്നിവരെയാണ് കുറുപ്പുംപടി പോലീസ് അറസ്റ്റ് ചെയ്തത്.
കഴിഞ്ഞ ബുധനാഴ്ച വൈകിട്ട് അശമന്നൂർ സ്കൂളിന് സമീപം വെച്ച് അശമന്നൂർ സ്വദേശിയായ യുവാവിനെയായിരുന്നു ഇവർ ആക്രമിച്ചത്. മുൻ വിരോധമാണ് ആക്രമത്തിന് കാരണമെന്ന് കരുതുന്നു.
ജോജിക്കെതിരെ അങ്കമാലി. കുറുപ്പംപടി, കോടനാട് കോതമംഗലം, എന്നീ പോലീസ് സ്റ്റേഷനുകളിലായി ആയുധ നിയമം, വധശ്രമം, സംഘം ചേർന്ന് ആക്രമിക്കൽ, കാപ്പാ നിയമം തുടങ്ങി നിരവധി വകുപ്പുകളിലായി രജിസ്റ്റർ ചെയ്ത കേസുകൾ നിലവിലുണ്ട്.
അമലിനെതിരെ കുറുപ്പുംപടി. കോതമംഗലം, അങ്കമാലി കോടനാട് , കണ്ണൂർ എന്നീ പോലീസ് സ്റ്റേഷനുകളിലായി ആയുധ നിയമം, സംഘം ചേർന്ന് ആക്രമിക്കൽ തുടങ്ങി വകുപ്പുകൾ പ്രകാരം മുള്ള നിരോധി കേസുകൾ രജിസ്റ്റർ ചെയ്തിട്ടുണ്ട്. കോടതിയിൽ ഹാജരാക്കി റിമാൻഡ് ചെയ്തു.
പെരുമ്പാവൂർ എഎസ്പി ശക്തി സിംഗ് ആര്യയുടെ നേതൃത്വത്തിൽ ഇൻസ്പെക്ടർ വി. എം കേഴ്സൻ, എസ്ഐമാരായ എൽദോ പോൾ, എം. ആർ ശ്രീകുമാർ , അസി.സബ് ഇൻസ്പെക്ടർ എം. ബി സുബൈർ, സീനിയർ സിപിഒമാരായ സുനിൽ. കെ തോമസ്, ടി. എ അഫ്സൽ സിപിഒമാരായ എം. ആർ രജിത്ത്, അരുൺ. കെ കരുണൻ എന്നിവരാണ് അന്വേഷണ സംഘത്തിലുള്ളത്.
പ്രതികരിക്കാൻ ഇവിടെ എഴുതുക: