പെരുമ്പാവൂർ : ഡ്യൂട്ടി കഴിഞ്ഞെത്തിയ പോലീസുദ്യോഗസ്ഥർ അപകടത്തിൽപ്പെട്ട ബൈക്ക് യാത്രികർക്ക് രക്ഷകരായി. തടിയിട്ട പറമ്പ് പോലീസ് സ്റ്റേഷനിലെ പോലീസുദ്യോഗസ്ഥരായ എ.ആർ ജയൻ, ആർ. ജഗതി എന്നിവർ മൂവാറ്റുപുഴയിൽ നിന്ന് എസ്കോർട്ട് ഡ്യൂട്ടി കഴിഞ്ഞ് തിരിച്ചു വരികയായിരുന്നു.
ഈ സമയം വെങ്ങോല പൂനൂർ എത്തിയപ്പോൾ ആൾക്കൂട്ടം കണ്ട് വാഹനം നിർത്തി. ഭാരവാഹനവും ബൈക്കും കൂട്ടിയിടിച്ച് രണ്ട് വിദ്യാർത്ഥികൾ വീണു കിടക്കുന്നു. ഒരാൾ കാനയിലും മറ്റേയാൾ ചോരയൊലിച്ച് ഇരിക്കുന്നു. കാനയിൽ കിടക്കുന്നയാളെ ഉടനെ എടുത്ത് കയറ്റി.
തുടർന്ന് നാട്ടുകാരുടെ സഹകരണത്തോടെ രക്ഷാപ്രവർത്തനം നടത്തി അതുവഴി വന്ന കാറിൽക്കയറ്റി ആശുപത്രിയിലേക്ക് വിട്ടു. പരിക്കേറ്റവർ ആശുപത്രിയിൽ എത്തുമ്പോഴേക്കും കൺട്രോൾ റൂം എസ്ഐ എൻ.പി ശശിയുടെ നേതൃത്വത്തിലുള്ള പോലീസ് സംഘവും എത്തിയിരുന്നു.
പോലീസ് ഉദ്യോഗസ്ഥരുടെ കൃത്യമായ ഇടപെടലിൽ ആശുപത്രിയിൽ എത്തിച്ചതിനാൽ വിദ്യാർത്ഥികൾ അപകട നില തരണം ചെയ്തു.
പ്രതികരിക്കാൻ ഇവിടെ എഴുതുക: