തിരുവനന്തപുരം: പൂജപ്പുരയില് നടുറോഡില് പെട്രോളൊഴിച്ച് തീ കൊളുത്തി യുവാവിന്റെ ആത്മഹത്യാ ശ്രമം. കരകുളം സ്വദേശി ബൈജു ആണ് ശരീരത്തില് പെട്രോള് ഒഴിച്ച് തീകൊളുത്തിയത്.
കുടുംബ വഴക്കിനെ തുടര്ന്നാണ് ആത്മഹത്യാ ശ്രമം നടത്തിയതെന്നാണ് വിവരം. പൂജപ്പുര മഹിളാ മന്ദിരത്തിലാണ് ഇയാളുടെ ഭാര്യ കഴിയുന്നത്.
രണ്ട് മക്കളുമായാണ് ബൈജു പൂജപ്പുരയില് എത്തിയത്. പെട്രോളൊഴിച്ച് തീ കൊളുത്തിയ ബൈജുവിനെ രക്ഷിക്കാന് ശ്രമിക്കവെ പൂജപ്പുര പൊലീസ് സ്റ്റേഷനിലെ രണ്ട് പൊലീസുകാര്ക്കും പൊള്ളലേറ്റു.
ദേഹമാസകലം പൊളളലേറ്റ യുവാവിനെ ആംബുലന്സില് മെഡിക്കല് കോളേജിലെത്തിച്ചപ്പോള് അത്യാഹിത വിഭാഗത്തില് ചികിത്സ വൈകിയത് പ്രതിഷേധത്തിന് കാരണമായി. യുവാവിന് ട്രോളിയും സ്ട്രച്ചറും ലഭിച്ചില്ല. രോഗിയെ ഏറ്റെടുക്കാന് അറ്റന്റര് പോലുമില്ലാത്ത സ്ഥിതിയായിരുന്നു. ഏറെ സമയം യുവാവ് നിലത്തിരുന്നും കിടന്നും നിവലിളിച്ചും വേദന കൊണ്ട് പുളഞ്ഞ യുവാവ് നടുക്കുന്ന കാഴ്ചയായി. യുവാവിന്റെ ആരോഗ്യനില ഗുരുതരമാണെന്നാണ് റിപ്പോര്ട്ട്.
