വൃദ്ധയുടെ സ്വർണ്ണമാല മോഷ്ടിച്ച കേസിലെ പ്രതി പിടിയിൽ 

ആലുവ : സ്വർണ്ണമാല മോഷ്ടിച്ച കേസിൽ പ്രതി അറസ്റ്റിൽ. ഇടുക്കി തൊമ്മൻകുത്ത് അമയപ്രഭാഗത്ത് പുത്തൻപുരയിൽ വീട്ടിൽ സുബിൻ (30)നെയാണ് പോത്താനിക്കാട് പോലീസ് അറസ്റ്റ് ചെയ്തത്. പൈങ്ങോട്ടൂർ ചാത്തമറ്റം കവല ഭാഗത്തെ വീട്ടിലാണ് മോഷണം നടത്തിയത്.

64 കാരിയായ വൃദ്ധയുടെ 27 ഗ്രാം തൂക്കം വരുന്ന മാലയും അതിലുണ്ടായിരുന്ന ഏലസുമാണ് മോഷ്ടിച്ചത്. വീട്ടിലെ അലമാരയിൽ സൂക്ഷിച്ചിരിക്കുകയായിരുന്നു ആഭരണം.

അന്വേഷണ സംഘത്തിൽ ഇൻസ്പെക്ടർ കെ. ബ്രിജുകുമാർ എസ്.ഐമാരായ റോജി ജോർജ്, പി. കെ.സാബു, വി.സി. സജി, സീനിയർ സിപിഒമാരായ ടി. കെ. ബിജു, എം. ആർ. ലിജേഷ് എന്നിവരാണ് അന്വേഷണ സംഘത്തിൽ ഉണ്ടായിരുന്നത്. കോടതിയിൽ ഹാജരാക്കി റിമാൻഡ് ചെയ്തു.