പത്ത് കിലോ ഹെറോയിനുമായി വന്ന രണ്ട് വാഹനങ്ങൾ പിടികൂടി പഞ്ചാബ് പോലീസ് : അതിർത്തി കടന്നുള്ള കള്ളക്കടത്ത് സംഘത്തിന് കനത്ത തിരിച്ചടി

അമൃത്‌സർ: അതിർത്തി കടന്നുള്ള മയക്കുമരുന്ന് കള്ളക്കടത്ത് ശൃംഖലകൾക്ക് കനത്ത തിരിച്ചടി നൽകി അമൃത്‌സർ പോലീസിന്റെ കൗണ്ടർ ഇൻ്റലിജൻസ് സംഘം. 10.4 കിലോ ഹെറോയിനുമായി അമൃത്‌സർ ജില്ലയിലെ സുഖേവാല ഗ്രാമത്തിന് സമീപം കടന്നു പോയ രണ്ട് വാഹനങ്ങളാണ് ഉദ്യോഗസ്ഥർ പിടികൂടിയത്.

അതേ സമയം പ്രതികളിലൊരാളായ തരൺ തരണിൽ നിന്നുള്ള സുഖ്‌രാജ് സിംഗ് അജ്ഞാതനായ ഒരു കൂട്ടാളിയോടൊപ്പം ഒരു വാഹനത്തിൽ ഓടി രക്ഷപ്പെട്ടതായി ഡിജിപി ഗൗരവ് യാദവ് പറഞ്ഞു.

എന്നാൽ ഇവർക്കെതിരെ എൻഡിപിഎസ് ആക്ട് പ്രകാരം കേസെടുത്തിട്ടുണ്ടെന്നും ഒളിവിൽ പോയ പ്രതികളെ പിടികൂടാനുള്ള ശ്രമങ്ങൾ തുടരുകയാണെന്നും അദ്ദേഹം പറഞ്ഞു.