നിരവധി ഭീകരാക്രമണങ്ങളിൽ പങ്കാളി ; പലസ്തീൻ ഇസ്ലാമിക് ജിഹാദിന്റെ തലവൻ മുഹമ്മദ് അബ്ദുല്ലയെ തീർത്ത് ഇസ്രായേൽ

ഗാസ : വെസ്റ്റ് ബാങ്കിലെ നൂർ ഷാംസിലെ പലസ്തീൻ ഇസ്ലാമിക് ജിഹാദിന്റെ തലവൻ മുഹമ്മദ് അബ്ദുല്ലയെ വധിച്ച് ഇസ്രായേൽ . ഐഡിഎഫും ഷിൻ ബെറ്റും തമ്മിലുള്ള സംയുക്ത ഓപ്പറേഷനിലാണ് അബ്ദുല്ല കൊല്ലപ്പെട്ടത് . ഇസ്രായേൽ എയർഫോഴ്‌സ് നടത്തിയ വ്യോമാക്രമണത്തിലാണ് അബ്ദുല്ലയും , സഹായിയായ ഭീകരനും കൊല്ലപ്പെട്ടത് .

സമീപ മാസങ്ങളിൽ, പ്രദേശത്ത് തീവ്രവാദ പ്രവർത്തനങ്ങൾ സംഘടിപ്പിക്കുന്നതിൽ അബ്ദുല്ല ഉത്തരവാദിയായിരുന്നു. മാത്രമല്ല ഇയാൾ നിരവധി ഭീകരാക്രമണങ്ങളിൽ പങ്കാളിയാണെന്നും ഐഡിഎഫ് വ്യക്തമാക്കി. തുൽക്കർ മേഖലയിൽ പ്രവർത്തിക്കുന്ന ഐഡിഎഫ് സൈനികർക്കെതിരെ സ്‌ഫോടകവസ്തുക്കൾ വിന്യസിക്കുന്നതിലും ഇയാൾ സജീവമായിരുന്നു.

എം-16 റൈഫിളുകൾ, വസ്ത്രങ്ങൾ, വാഹനങ്ങൾ എന്നിവ ഇവരിൽ നിന്ന് ഐഡിഎഫ് സൈനികർ പിടിച്ചെടുത്തു.