കൊച്ചി:മയക്കുമരുന്ന് കേസ് അന്വേഷണത്തില് വീഴ്ച വരുത്തിയ് എസ് ഐക്ക് സസ്പെന്ഷന്. എറണാകുളം പള്ളുരുത്തി പൊലീസ് സ്റ്റേഷനിലെ എസ് ഐ മനോജിനെതിരെയാണ് നടപടി.
ആറ് ഗ്രാം എംഡിഎംഎയുമായി പള്ളുരുത്തി തട്ടാംപറമ്പ് സ്വദേശി അഷറഫ് പ്രതിയായ കേസിന്റെ അന്വേഷണത്തില് വീഴ്ചവരുത്തിയതിനാണ് നടപടി. റേയ്ഞ്ച് ഐജിയാണ് മനോജിനെതിരെ നടപടിയെടുത്തത്.
കൊച്ചിയില് ലഹരി കേസുകള് വര്ധിച്ചു വരികെയാണ് പൊലീസ് ഉദ്യോഗസ്ഥനെതിരെ നടപടി സ്വീകരിച്ചിരിക്കുന്നത്.അന്വേഷണ റിപ്പോര്ട്ടിന്റെ അടിസ്ഥാനത്തിലാണ് നടപടി.കേസ് അന്വേഷണത്തിലുണ്ടായ വീഴ്ച എന്താണെന്നത് ഉള്പ്പെടെ കാര്യങ്ങള് സസ്പെന്ഡ് ചെയ്ത ഉത്തരവില് പറയുന്നില്ല.
