കൊച്ചി:ഗുണ്ടാ തലവന്‍ ഓം പ്രകാശ് ഉള്‍പ്പെടുന്ന ലഹരിക്കേസില്‍ ഒരാളെ കൂടി കസ്റ്റഡിയിലെടുത്ത് പൊലീസ് .എളമക്കര സ്വദേശി ബിനു ജോസഫിനെയാണ് എറണാകുളം സൗത്ത് പൊലീസ് കസ്റ്റഡിയിലെടുത്തത്.
സിനിമാ താരങ്ങളെ ഓം പ്രകാശിന്റെ മുറിയില്‍ എത്തിച്ചത് ഇയാളാണ് എന്നാണ് സംശയം. കൊച്ചിയിലെ ലഹരി ഇടപാടുകളിലെ പ്രധാന കണ്ണിയാണ് ബിനു ജോസഫ്. താരങ്ങള്‍ ഹോട്ടലില്‍ എത്തിയത് ലഹരി ഇടപാടിന്റെ ഭാഗമായാണോ എന്ന് പൊലീസ് അന്വേഷിക്കുകയാണ്.
ഓം പ്രകാശ് താമസിച്ചിരുന്ന പഞ്ചനക്ഷത്ര ഹോട്ടല്‍ മുറിയില്‍ സിനിമാ താരങ്ങളായ ശ്രീനാഥ് ഭാസിയും പ്രയാഗ മാര്‍ട്ടിനും എത്തിയെന്ന് പൊലീസിന്റെ റിമാന്‍ഡ് റിപ്പോര്‍ട്ടിലുണ്ട്.ഇരുവരെയും പൊലീസ് ചോദ്യം ചെയ്യും.
കേസില്‍ ഓം പ്രകാശിനും ഒപ്പമുണ്ടായിരുന്ന ഒന്നാം പ്രതിയായ ഷിഹാസിനും എറണാകുളം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി ജാമ്യം അനുവദിച്ചിരുന്നു.
പ്രതികരിക്കാൻ ഇവിടെ എഴുതുക