ആലുവ : മോഷണത്തിനായി തയ്യാറെടുക്കുന്നതിനിടയിൽ രണ്ട് പേർ പോലീസ് പിടിയിൽ. ആലപ്പുഴ ചേർത്തല പള്ളിപ്പുറം അമ്പനാട്ട് വീട്ടിൽ മഹേഷ് (48), ഇടുക്കി കുമളി ചക്കു വള്ളം ആനക്കര വാഴയിൽ വീട്ടിൽ തോമസ് ജോൺ (38) എന്നിവരെയാണ് ആലുവ പോലീസ് പിടികൂടിയത്.
കഴിഞ്ഞ ദിവസം ആലുവ മുനിസിപ്പൽ ടൗൺ ഹാളിന് പുറകുവശംകാട് പിടിച്ച പ്രദേശത്ത് വച്ചാണ് സംശയാസ്പദമായ സാഹചര്യത്തിൽ മോഷ്ടാക്കളെ കണ്ടത്. കൈയിലെ ബാഗ് പരിശോദിച്ചപ്പോൾ ബാഗിൽ വീടുകൾ കുത്തിതുറക്കാൻ വേണ്ടിയുള്ള രണ്ട് ഇരുമ്പ് ആയുധങ്ങൾ തുണിയിൽ പൊതിഞ്ഞു സൂക്ഷിച്ചിരുന്നു.
ചോദ്യം ചെയ്തപ്പോൾ വീട് കുത്തിതുറക്കാനുള്ള ആയുധമാണെന്ന് പോലീസിനോട് പറഞ്ഞു. മഹേഷിന് 2003 മുതൽ വിധിധ ജില്ലകളിൽ 25 ഓളം മോഷണകേസുകളുണ്ട്. തോമസിന് അടിപിടി, മൊബൈൽ മോഷണം ഉൾപ്പെടെ എറണാകുളം, ഇടുക്കി ജില്ലകളിൽ ആയി 5 കേസുകൾ നിലവിലുണ്ട്. പ്രതികളെ കോടതിയിൽ ഹാജറാക്കി റിമാൻഡ് ചെയ്തു. ഇവരെ കസ്റ്റഡിയിൽ വാങ്ങി വിശദമായി അന്വേഷണം നടത്തും.
ഇൻസ്‌പെക്ടർ എം.എം. മഞ്ജുദാസ്, എസ്ഐ എസ്. എസ്. ശ്രീലാൽ, സിപിഒമാരായ മാഹിൻഷാ അബൂബക്കർ , മുഹമ്മദ്‌ അമീർ, കെ.എം. മനോജ്‌ തുടങ്ങിയവർ ചേർന്നാണ് മോഷ്ടാക്കളെ പിടികൂടിയത്.
പ്രതികരിക്കാൻ ഇവിടെ എഴുതുക: