കൊച്ചി: സംസ്ഥാന സീനിയര് ബാസ്കറ്റ്ബോള് ചാമ്പ്യന്ഷിപ്പ് ഫൈനലില് പ്രവേശിച്ച് തിരുവനന്തപുരം പുരുഷ, വനിതാ ടീമുകള്. കടവന്ത്രയിലെ റീജിയണല് സ്പോര്ട്സ് സെന്ററില് നടന്നുവരുന്ന 68-ാമത് ചാമ്പ്യന്ഷിപ്പിലാണ് തിരുവനന്തപുരം ടീമുകള് കിരീടപ്പോരിലേക്ക് കുതിച്ചത്.
ആദ്യ വനിതാ സെമിയില് തിരുവനന്തപുരം കോട്ടയത്തെ (80-44) തോല്പിച്ചു. ഇന്റര്നാഷണല്സ് അനീഷ ക്ലീറ്റസ് 28 പോയിന്റുകളും 11 റീബൗണ്ടുകളും നേടി തിരുവനന്തപുരത്തിന്റെ ടോപ് സ്കോററായി. ശ്രീകല 22 പോര്ട്ടും നേടി.
പുരുഷന്മാരുടെ ആദ്യ സെമിയില് തിരുവന്തപുരം തൃശ്ശൂരിനെ(79-47) പരാജയപ്പെടുത്തിയാണ് സെമി കടന്നത്. 16 പോയിന്റും 13 റീബൗണ്ടുകളും നേടിയ ശരത്.എസ് ടോപ് സ്കോററായി.
ഫൈനലില് തിരുവനന്തപുരത്തെ വനിതകള് പാലക്കാടിന്റെയും ആലപ്പുഴയുടെയും വിജയികളെയും പുരുഷന്മാരില് തിരുവനന്തപുരം എറണാകുളത്തെയും കോട്ടയത്തെയും വിജയികളുമായി ഏറ്റുമുട്ടും.
