ബാരാം (രാജസ്ഥാന്‍): സംഘടിതവും സശക്തവുമായ സമാജമാണ് ശതാബ്ദിയില്‍ ആര്‍എസ്എസ് മുന്നോട്ടു വയ്‌ക്കുന്ന ലക്ഷ്യമെന്ന് സര്‍ സംഘചാലക് ഡോ. മോഹന്‍ ഭാഗവത്. ശതാബ്ദി ആഘോഷിക്കുകയല്ല സംഘ പ്രവര്‍ത്തനം എല്ലാ ഗ്രാമങ്ങളിലും എത്തിക്കുക എന്നതാണ് സ്വയംസേവകരുടെ മുന്നിലുള്ള ലക്ഷ്യമെന്ന് അദ്ദേഹം പറഞ്ഞു.
ആര്‍എസ്എസ് ചിത്തൗഡ് പ്രാന്തത്തില്‍ സംഘടനാ യാത്രയ്‌ക്കിടെ ബാരാമിലെ ധര്‍മ്മദാ ധര്‍മ്മശാലയില്‍ സ്വയംസേവകരോട് സംസാരിക്കുകയായിരുന്നു അദ്ദേഹം.
സ്വാവലംബിയും അച്ചടക്ക പൂര്‍ണവുമായ സമാജത്തെ രൂപപ്പെടുത്താന്‍ സജ്ജനങ്ങളെ സംഘടിപ്പിക്കുകയും ജനജാഗരണം നടത്തുകയും വേണമെന്ന് സര്‍സംഘചാലക് പറഞ്ഞു. ഇതിന് പ്രാപ്തിയുള്ള വ്യക്തികളെ നിത്യശാഖാ പ്രവര്‍ത്തനത്തിലൂടെ സൃഷ്ടിക്കാനാവും.
സമൂഹത്തെയാകെ ഒരുമിപ്പിക്കുന്നതാണ് സംഘപ്രവര്‍ത്തനമെന്ന് അദ്ദേഹം കൂട്ടിച്ചേര്‍ത്തു.
പുരാതനമായ പ്യാരേരാം ക്ഷേത്രത്തില്‍ ദര്‍ശനം നടത്തിയ സര്‍സംഘചാലക് ക്ഷേത്ര പരിസരത്ത് വൃക്ഷത്തൈകള്‍ നടുന്നതിന് നേതൃത്വം നല്കി.
പ്രതികരിക്കാൻ ഇവിടെ എഴുതുക: