കാസര്‍കോട്: പോക്സോ കേസിലെ പ്രതി നടിയുടെ മുന്‍കൂര്‍ ജാമ്യാപേക്ഷ കാസര്‍കോട് ജില്ലാ സെഷന്‍സ് കോടതി തള്ളി. നടന്മാര്ക്കെതിരെ ലൈംഗികാരോപണം ഉയര്‍ത്തി പരാതി നല്‍കിയ നടിക്കെതിരെ ബന്ധുവായ പെണ്‍കുട്ടി നല്‍കിയ പരാതിയിലാണ് പോക്സോ കേസ് രജിസ്റ്റര്‍ ചെയ്തത്.
നടി കാസര്‍കോട് കോടതിക്ക് പുറമെ 13 ജില്ലാ കോടതികളിലും കൊച്ചി, ചെന്നൈ ഹൈക്കോടതികളിലും മുന്‍കൂര്‍ ജാമ്യ ഹര്‍ജി നല്‍കിയിട്ടുണ്ട്.
നടനും എംഎല്‍എയുമായ മുകേഷ് ഉള്‍പ്പെടെയുളള നടന്മാര്ക്കെതിരെ പരാതി നല്‍കിയ നടിക്കെതിരെയാണ് മൂവാറ്റുപുഴ പൊലീസ് പോക്സോ വകുപ്പുകള്‍ ചുമത്തി കേസെടുത്തത്.ഓഡീഷനായി ചെന്നൈയിലേക്ക് വിളിച്ചുവരുത്തിയ നടി നിരവധി പേര്‍ക്ക് തന്നെ കാഴ്ചവച്ചെന്നായിരുന്നു യുവതി പരാതിപ്പെട്ടത്.
പ്രായപൂര്‍ത്തിയാവും മുമ്പാണ് ലൈംഗികാതിക്രമം നടന്നതെന്നും യുവതി മൊഴി നല്‍കി. മുകേഷിനെതിരെ പരാതി നല്‍കിയ നടി സെക്‌സ് മാഫിയയുടെ ആളാണെന്നും യുവതി ആരോപിച്ചിരുന്നു. സംസ്ഥാന പൊലീസ് മേധാവിക്ക് നല്‍കിയ പരാതി മൂവാറ്റുപുഴ പൊലീസിന് കൈമാറുകയായിരുന്നു.
പ്രതികരിക്കാൻ ഇവിടെ എഴുതുക: