കോഴിക്കോട് : നാദാപുരം തൂണേരിയില് ഡി.വൈ.എഫ്.ഐ പ്രവര്ത്തകന് ഷിബിന് കൊല്ലപ്പെട്ട കേസില് എട്ടുപ്രതികള് കുറ്റക്കാരാണെന്ന് ഹൈക്കോടതി. ഒന്നു മുതല് ആറ് വരെ പ്രതികളും 15, 16 പ്രതികളുമാണ് കുറ്റക്കാരെന്ന് ഹൈക്കോടതി കണ്ടെത്തിയത്.
മുസ്ലിം ലീഗ് പ്രവര്ത്തകരടക്കം 17 പ്രതികളെ വെറുതെ വിട്ട എരഞ്ഞിപ്പാലം അഡീഷണല് സെഷന്സ് കോടതി വിധിക്കെതിരെ സര്ക്കാരിന്റെ ഉള്പ്പെടെ അപ്പീലിലാണ് വിധി. കേസ് പരിഗണിച്ച ഹൈക്കോടതി ഡിവിഷന് ബെഞ്ച് കീഴ്ക്കോടതി വിധി ഭാഗികമായി റദ്ദാക്കി.
പ്രതികള് ഈ മാസം 15ന് ഹാജരാകണമെന്ന് കോടതി ആവശ്യപ്പെട്ടു. ശിക്ഷ അന്ന് വിധിക്കും. ഹൈക്കോടതി വിധി സ്വാഗതം ചെയ്യുന്നതായി ഷിബിന്റെ പിതാവ് പറഞ്ഞു.
നേരത്തെ കുറ്റം തെളിയിക്കുന്നതില് പ്രോസിക്യൂഷന് പരാജയപ്പെട്ടെന്ന് ചൂണ്ടിക്കാട്ടിയാണ് 18 പ്രതികളില് 17 പേരെ അഡീഷണല് സെഷന്സ് കോടതി വെറുതെ വിട്ടത്. 2015 ജനുവരി 22ന് ആണ് സംഭവം ഉണ്ടായത്. രാഷ്ട്രീവും വര്ഗീയവുമായ വിരോധത്താല് ലീഗ് പ്രവര്ത്തകരായ പ്രതികള് മാരകായുധങ്ങളുമായി ഷിബിന് ഉള്പ്പെടെയുള്ള സി.പി.എം പ്രവര്ത്തകരെ ആക്രമിച്ചെന്നാണ് കേസ്.
