തിരുവനന്തപുരം: എ കെ ശശീന്ദ്രന് പകരം തോമസ് കെ തോമസിനെ മന്ത്രിയാക്കാനുള്ള എന്സിപി നീക്കം മുഖ്യമന്ത്രി പിണറായി വിജയന് അംഗീകരിച്ചില്ല. ഈ വിഷയത്തില് കാത്തിരിക്കണമെന്ന് നേതാക്കളോട് മുഖ്യമന്ത്രി ആവശ്യപ്പെട്ടു.
മുഖ്യമന്ത്രിയെ കാണാന് സംസ്ഥാന പ്രസിഡന്റ് പി സി ചാക്കോക്കും തോമസിനുമൊപ്പം ശശീന്ദ്രനും ഉണ്ടായിരുന്നു.തോമസ് കെ തോമസിന്റെ കാര്യത്തില് ചില സംശയങ്ങള് മുഖ്യമന്ത്രി പ്രകടിപ്പിച്ചു. തോമസ് കെ തോമസ് ഉള്പ്പെട്ട ചില വിവാദങ്ങള് മുഖ്യമന്ത്രി ചൂണ്ടിക്കാട്ടി.
ഇതോടെ എ കെ ശശീന്ദ്രന് മന്ത്രിയായി തുടരും. ശശീന്ദ്രനെ മാറ്റി തോമസിനെ മന്ത്രിയാക്കാനാണ് പാര്ട്ടി തീരുമാനമെന്ന കാര്യം എന്സിപി നേതാക്കള് ക്ലിഫ് ഹൗസിലെ കൂടിക്കാഴ്ചയില് മുഖ്യമന്ത്രിയെ അറിയിച്ചു.
