തിരുവനന്തപുരം: ക്ലിനിക്കല് എസ്റ്റാബ്ലിഷ്മെന്റ് നിയമ പ്രകാരം ആശുപത്രിയില് ജോലി ചെയ്യുന്നവര് നിശ്ചിത യോഗ്യതയുള്ളവരാണെന്നും രജിസ്റ്റര് ചെയ്തവരാണെന്നും ഉറപ്പ് വരുത്തേണ്ടത് സ്ഥാപനത്തിന്റെ ഉത്തരവാദിത്തമാണെന്ന് സര്ക്കാര് വ്യക്തമാക്കി. കോഴിക്കോട് നടന്ന സംഭവത്തില് കുറ്റക്കാര്ക്കെതിരെ നിയമപരമായി സാധ്യമായ എല്ലാ നടപടികളും സ്വീകരിക്കുമെന്ന് ആരോഗ്യമന്ത്രി അറിയിച്ചു.
ജോലിയ്ക്ക് നിയോഗിക്കപ്പെടുന്നവര്ക്ക് ആവശ്യമായ യോഗ്യത ഉണ്ടെന്നുള്ള സര്ട്ടിഫിക്കറ്റുകള് പരിശോധിച്ച് മാനേജ്മെന്റുകള് ഉറപ്പാക്കണം. സര്ക്കാര് സര്വീസില് ഈ കര്ത്തവ്യം പി.എസ്.സിയാണ് നിര്വഹിക്കുന്നത്. ആയത് നിയമനാധികാരികള് ഉറപ്പ് വരുത്തുന്നു. കൊല്ലത്ത് വ്യാജ ഗൈനക്കോളജി സര്ട്ടിഫിക്കറ്റുമായി ഒരു ഡോക്ടര് നടത്തിയ ചികിത്സയെ തുടര്ന്ന് 2019ല് യുവതി മരിച്ച സംഭവത്തില് ഫയല് മുമ്പിലെത്തിയപ്പോഴാണ് . സംസ്ഥാന മെഡിക്കല് കൗണ്സിലിനോട് ഇക്കാര്യത്തില് നടപടി സ്വീകരിക്കാന് ആവശ്യപ്പെട്ടിരുന്നു. ഇതിന്റെ അടിസ്ഥാനത്തില് രജിസ്റ്റേര്ഡ് ഡോക്ടര്മാരുടെ പേര് മെഡിക്കല് കൗണ്സില് വെബ്സൈറ്റില് ലഭ്യമാക്കുന്നതിനുള്ള പ്രവര്ത്തനങ്ങള് കൗണ്സില് ആരംഭിച്ചിട്ടുണ്ട്. മെഡിക്കല് കൗണ്സില് സൈറ്റിലെ പ്രസ്തുത വിവരം ആവശ്യമുള്ളവര് മാത്രം കാണുന്നതിന് ക്യുആര് കോഡും ലഭ്യമാക്കാന് കഴിയും.
