മഹാത്മാ ഗാന്ധിയുടെ ജീവിതം ഏവർക്കും പ്രചോദനം നൽകുന്നു ; രാജ്ഘട്ടിൽ പുഷ്പാർച്ചന നടത്തി പ്രധാനമന്ത്രി

ന്യൂദൽഹി : പ്രധാനമന്ത്രി നരേന്ദ്ര മോദി രാഷ്‌ട്രപിതാവ് മഹാത്മാ ഗാന്ധിയുടെ ജന്മദിനത്തിൽ അദ്ദേഹത്തിന്റെ സമാധിയായ രാജ്ഘട്ടിൽ പുഷ്പാർച്ചന നടത്തി.

ആദരണീയനായ ബാപ്പുവിന്റെ ജീവിതവും അദ്ദേഹത്തിന്റെ സത്യത്തിലും ഐക്യത്തിലും സമത്വത്തിലും അധിഷ്ഠിതമായ ആദർശങ്ങളും രാജ്യത്തെ ജനങ്ങൾക്ക് എന്നും പ്രചോദനമായിരിക്കുമെന്ന് എക്‌സിലെ ഒരു പോസ്റ്റിൽ മോദി പറഞ്ഞു.

ഗാന്ധിജിക്ക് പുറമെ ഈ ദിവസം ജനിച്ച ഇന്ത്യയുടെ രണ്ടാമത്തെ പ്രധാനമന്ത്രി ലാൽ ബഹാദൂർ ശാസ്ത്രിക്കും പ്രധാനമന്ത്രി മോദി ആദരാഞ്ജലി അർപ്പിച്ചു.

രാജ്യത്തെ സൈനികരുടെയും കർഷകരുടെയും അഭിമാനത്തിന് വേണ്ടി അദ്ദേഹം തന്റെ ജീവിതം സമർപ്പിച്ചുവെന്ന് “ജയ് ജവാൻ, ജയ് കിസാൻ” എന്ന മുദ്രാവാക്യം ഉയർത്തിയ ശാസ്ത്രിയെ കുറിച്ച് പ്രധാനമന്ത്രി പറഞ്ഞു. അദ്ദേഹത്തിന്റെ ലാളിത്യവും സത്യസന്ധതയും അദ്ദേഹത്തിന് വലിയ ബഹുമാനം നേടിക്കൊടുത്തുവെന്നും മോദി കൂട്ടിച്ചേർത്തു.