തൃശ്ശൂര് : പീച്ചിക്ക് സമീപം ജ്വല്ലറിയുടമയെ ആക്രമിച്ച് രണ്ടരക്കോടിയുടെ സ്വര്ണ്ണം തട്ടിയ കേസില് പ്രതികള് ഉപയോഗിച്ചത് ഡിവൈഎഫ്ഐ നേതാവിന്റെ കാര്. ഡിവൈഎഫ്ഐ തിരുവല്ല ടൗണ് വെസ്റ്റ് മേഖല കമ്മിറ്റി അംഗം ഷാഹുല് ഹമീദിന്റെ കാറാണ് കേസിലെ മുഖ്യപ്രതി റോഷന് വര്ഗീസ് ഉപയോഗിച്ചിരുന്നത് എന്നാണ് കണ്ടെത്തല്.
റോഷനെ പിടികൂടാന് പോലീസ് എത്തിയപ്പോള് കയ്യില് ഉണ്ടായിരുന്ന പജീറോ കാര് ഷാഹുലിന്റെ പേരിലുള്ളതായിരുന്നു. കാര് പോലീസ് കസ്റ്റഡിയിലെടുത്തു.
ഇതോടെയാണ് ഷാഹുലും റോഷനും തമ്മിലുള്ള ബന്ധം പോലീസ് പരിശോധിക്കുന്നത്. കഴിഞ്ഞ 25 നാണ് പീച്ചിക്കടുത്ത് വെച്ച് ജ്വല്ലറിയുടമയെ പ്രതികള് ആക്രമിച്ചത്. റോഷന് പുറമേ തിരുവല്ല സ്വദേശിയായ ഒരു പ്രതിയും തൃശൂര് സ്വദേശികളായ മൂന്ന് പേരും അറസ്റ്റിലായിരുന്നു.
കേസിലെ മുഖ്യപ്രതിയായ റോഷൻ പല കേസുകളിലും പ്രതിയാണ്. ഇൻസ്റ്റഗ്രാം റീലുകളിൽ റോഷനൊപ്പം ഷാഹുൽ ഹമീദും ഉണ്ടായിരുന്നുവെന്ന് പോലീസിന് വിവരം ലഭിച്ചിട്ടുണ്ട്. ഷാഹുൽ ഹമീദിന് ഇപ്പോൾ സംഘടനയുമായി ഒരു ബന്ധവും ഇല്ലെന്നാണ് ഡിവൈ എഫ് ഐ പറയുന്നത്.
