മാന്നാനം: സെന്റ് എഫ്രേംസ് ഇന്‍ഡോര്‍ സ്റ്റേഡിയത്തില്‍ നടന്ന ദക്ഷിണേന്ത്യ ഇന്റര്‍ സ്‌കൂള്‍ ബാസ്‌ക്കറ്റ് ബോള്‍ ടൂര്‍ണമെന്റില്‍ പെണ്‍കുട്ടികളുടെ വിഭാഗത്തില്‍ കൊരട്ടി ലിറ്റില്‍ ഫ്ളവര്‍ കോണ്‍വെന്റ് എച്ച്എസ്എസും ആണ്‍കുട്ടികളില്‍ ആതിഥേയരായ സെന്റ് എഫ്രേംസ് എച്ച്എസ്എസും ചാമ്പ്യന്മാരായി.
പെണ്‍കുട്ടികളുടെ ഫൈനലില്‍ സെന്റ് ജോസഫ്സ് എച്ച്എസ്എസ് സേലത്തെ (56-50) തോല്‍പ്പിച്ചാണ് ലിറ്റില്‍ ഫഌവര്‍ സ്‌കൂള്‍ ജേതാക്കളായത്. ആണ്‍കുട്ടികളു െവിഭാഗത്തില്‍ കുന്ദംകുളം ജിവിഎച്ച്എസ്എസിനെ 68-27ന് പരാജയപ്പെടുത്തിയാണ് സെന്റ് എഫ്രേംസ് കിരീടം നേടിയത്.
ആണ്‍കുട്ടികളിലെ വിഭാഗത്തില്‍ സെന്റ് എഫ്രേംസിലെ വിനയ് ശങ്കറും പെണ്‍കുട്ടികളില്‍ ലിറ്റില്‍ ഫഌവര്‍ കോണ്‍വെന്റ് എച്ച്എസ്എസ് കൊരട്ടിയിലെ അനഘ ചെറുവത്തൂരിനെയും മികച്ച താരങ്ങളായി തെരഞ്ഞെടുത്തു.
കുന്നംകുളം ജിവിഎച്ച്എസ്എസിലെ പ്രവീണ്‍ ടി. ബിജുവും പെണ്‍കുട്ടികളില്‍ സേലം സെന്റ് ജോസഫ്സ് എച്ച്എസ്എസിലെ ഷഞ്ജന. പി.കെയും ഭാവി വാഗ്ദാനമായി തെരഞ്ഞെടുക്കപ്പെട്ടു.
ഓസ്ട്രേലിയയില്‍ പെര്‍ത്തില്‍ നടന്ന ബാസ്‌ക്കറ്റ് ബോള്‍ വിത്തൗട്ട് ബോര്‍ഡേഴ്സ് ക്യാമ്പില്‍ ഭാരതത്തെ പ്രതിനിധീകരിച്ച സെന്റ് എഫ്രേംസിലെ ജിന്‍സ് കെ. ജോബി, പരിശീലകരായ പ്രേംകുമാര്‍, ദിമല്‍, അജി എന്നിവരെയും ചടങ്ങില്‍ ആദരിച്ചു.
ട്രോഫികളും മെഡലുകളും കോട്ടയം ഫ്രാന്‍സിസ് ജോര്‍ജ് എംപി വിതരണം ചെയ്തു.
പ്രതികരിക്കാൻ ഇവിടെ എഴുതുക: