കോട്ടയം: ദേശീയ നേത്രദാന പക്ഷാചരണത്തിന്റെ ഭാഗമായി നേത്രദാനം മഹാദാനം എന്ന വിഷയത്തെ ആസ്പദമാക്കി സക്ഷമ സംഘടിപ്പിച്ച കവിതാ രചനാ മത്സരത്തിലെ വിജയികള്‍ക്ക് സമ്മാനങ്ങള്‍ വിതരണം ചെയ്തു.
കോട്ടയത്തു ചേര്‍ന്ന സക്ഷമ സംസ്ഥാന വാര്‍ഷിക യോഗത്തില്‍ വച്ച് ദേശീയ ജനറല്‍ സെക്രട്ടറി ഉമേഷ് അന്ദേര, ദേശീയ വൈസ് പ്രസിഡന്റ് ഡോ. ആശാ ഗോപാലകൃഷ്ണന്‍, ഡോ. എന്‍.ആര്‍. മേനോന്‍, സംസ്ഥന പ്രസിഡന്റ് ഡോ. ബാലചന്ദ്രന്‍ മന്നത്ത്, സിസ്റ്റര്‍ സിമി ചൈതന്യ എന്നിവര്‍ സമ്മാനങ്ങള്‍ വിതരണം ചെയ്തു.
3001, 2001, 1001 രൂപയും മെമന്റോയും പ്രശംസാപത്രവും വിജയികള്‍ക്ക് സമ്മാനിച്ചു. ഹയര്‍സെക്കന്‍ഡറി വിഭാഗത്തില്‍ എറണാകുളത്തെ കൊച്ചിന്‍ റിഫൈനറി സ്‌കൂളിലെ നന്ദകൃഷ്ണന്‍ ഒന്നാം സ്ഥാനവും, മൂത്തകുന്നം എഎന്‍എംഎച്ച്എസ്എസിലെ അലിയ ആയിഷ രണ്ടാം സ്ഥാനവും കോട്ടയം ഇത്തിത്താനം സ്‌കൂളിലെ കാര്‍ത്തിക ജയപ്രകാശ് മൂന്നാം സ്ഥാനവും നേടി.
ഹൈസ്‌കൂള്‍ വിഭാഗത്തില്‍ തിരുവനന്തപുരം നന്ദിയോട് എസ്‌കെവിഎച്ച്എസ്എസിലെ ജാന്‍വി ആര്‍. ശാന്ത് ഒന്നാംസ്ഥാനവും പാലക്കാട് വട്ടേനാട് ജിവിഎച്ച്എസ്എസിലെ ദുര്‍ഗശ്രീ രണ്ടാം സ്ഥാനവും, തൃശ്ശൂര്‍ പുത്തൂര്‍ ജിവിഎച്ച്എസ്എസിലെ സ്‌കൂളിലെ ശിവാനി മൂന്നാം സ്ഥാനവും കരസ്ഥമാക്കി.
പ്രതികരിക്കാൻ ഇവിടെ എഴുതുക: