തിരുവനന്തപുരം: തലസ്ഥാനത്ത് 13.444 ഗ്രാം മെത്താംഫിറ്റമിനുമായി യുവാവ് എക്‌സൈസ് പിടിയിലായി. ടെക്‌നോപാര്‍ക്കില്‍ സെക്യൂരിറ്റി ജോലി ചെയ്യുന്ന കൊല്ലം ചിതറ സ്വദേശി മുഹമ്മദ് അല്‍ത്താഫ് (30) ആണ് ബൈക്കില്‍ മയക്കുമരുന്ന് കടത്തവെ അമരവിളയില്‍ പിടിയിലായത്.
ഇയാള്‍ നഗരത്തില്‍ മുറി വാടകയ്‌ക്ക് എടുത്ത് രാസലഹരി വില്‍പന നടത്തുകയായിരുന്നു എന്നാണ് എക്‌സൈസ് ഉദ്യോഗസ്ഥര്‍ വെളിപ്പെടുത്തിയത്.അമരവിളയില്‍ ആര്യങ്കോട് ഭാഗത്ത് എക്‌സൈസ് വാഹന പരിശോധന നടത്തുമ്പോഴാണ് അല്‍ത്താഫ് ബൈക്കില്‍ എത്തിയത്. പരിശോധനയില്‍ ഇയാളില്‍ നിന്ന് 13.444 ഗ്രാം മെത്താംഫിറ്റമിന്‍ കണ്ടെത്തി.
തുടര്‍ന്ന് ചോദ്യം ചെയ്യലിലാണ് ടെക്‌നോപാര്‍ക്കില്‍ സെക്യൂരിറ്റി ജീവനക്കാരനായ ഇയാള്‍ മുറി വാടകയ്‌ക്ക് എടുത്ത രാസ ലഹരി വില്‍പന നടത്തുന്നു വിവരം വ്യക്തമായത്.
പ്രതികരിക്കാൻ ഇവിടെ എഴുതുക: