കണ്ണൂര്‍: സിപിഎം പ്രവര്‍ത്തകന്‍ പുഷ്പനോടുളള ആദരസൂചകമായി കൂത്തുപറമ്പ്, തലശേരി നിയോജക മണ്ഡലങ്ങളില്‍ ഞായറാഴ്ച ഹര്‍ത്താല്‍ ആചരിക്കാന്‍ സി പി എം ആഹ്വാനം. ശനിയാഴ്ചയാണ് പുഷ്പന്‍ കോഴിക്കോട്ടെ സ്വകാര്യ ആശുപത്രിയില്‍ വച്ച് മരിച്ചത്.
കൂത്തുപറമ്പ് പൊലീസ് വെടിവയ്പില്‍ ശരീരം തളര്‍ന്ന് 29 വര്‍ഷത്തിലേറെയായി കിടപ്പിലായിരുന്നു പുഷ്പന്‍.
വാഹനങ്ങളെ ഹര്‍ത്താലില്‍ നിന്ന് ഒഴിവാക്കിയിട്ടുണ്ട്. ഞായറാഴ്ച രാവിലെ എട്ടിന് വിലാപയാത്രയായി മൃതദേഹം തലശേരിയില്‍ എത്തിക്കും. പത്ത് മണി മുതല്‍ തലശേരി ടൗണ്‍ ഹാളില്‍ പൊതുദര്‍ശനത്തിനു വയ്‌ക്കും.
തുടര്‍ന്ന് ചൊക്ലിയിലും പൊതുദര്‍ശനമുണ്ടാകും. വൈകുന്നേരം അഞ്ച് മണിക്ക് വീട്ടു വളപ്പില്‍ മൃതദേഹം സംസ്‌കരിക്കും.
പ്രതികരിക്കാൻ ഇവിടെ എഴുതുക: