തിരുവനന്തപുരം: കേരള സ്കൂള് കായികമേള കൊച്ചി ’24 ന്റെ ലോഗോ പ്രകാശനവും ഭാഗ്യ ചിഹ്നത്തിന്റെ പ്രകാശനവും മന്ത്രിമാരായ പി. രാജീവും വി. ശിവന്കുട്ടിയും ചേര്ന്ന് നിര്വഹിച്ചു. മേളയുടെ ഭാഗ്യചിഹ്നം അണ്ണാറക്കണ്ണന് ‘തക്കുടു’ ആണ്.
നവംബര് നാലു മുതല് 11 വരെ കൊച്ചിയിലെ 19 വേദികളിലായാണ് മത്സരങ്ങള് സംഘടിപ്പിക്കുന്നത്.നാലിന് വൈകിട്ട് കലൂര് അന്താരാഷ്ട്ര സ്റ്റേഡിയത്തിലാണ് മത്സരം ആരംഭിക്കുന്നത്.സമാപനം 11ന് മഹാരാജാസ് കോളജ് ഗ്രൗണ്ടില് നടക്കും. മേളയില് 20,000 ത്തിലധികം കായിക പ്രതിഭകളും 2000 സവിശേഷ കഴിവുള്ള കായിക പ്രതിഭകളും പങ്കെടുക്കും. എറണാകുളം ജില്ലയിലെ തെരഞ്ഞെടുത്ത 50 സ്കൂളുകളില് കുട്ടികള്ക്ക് താമസ സൗകര്യം ഒരുക്കും.
