Amitabh Bachchan
മുംബൈ: കഴിഞ്ഞ ഏതാനും വര്‍ഷങ്ങളായി ഇന്ത്യ മാറിയെന്നും ഇന്ത്യ സമ്പന്നരുടെ കൂടി രാജ്യമായെന്നും ഹിന്ദി സിനിമാതാരം അമിതാഭ് ബച്ചന്‍. ലണ്ടനില്‍ ഈയിടെ ഷോപ്പിംഗ് നടത്തിയപ്പോഴുണ്ടായ അനുഭവം പങ്കുവെച്ചുകൊണ്ടായിരുന്നു അമിതാഭ് ബച്ചന്‍ ഇക്കാര്യം അറിയിച്ചത്.
“ഞാന്‍ ഒരു ടൈ വാങ്ങാന്‍ പോയതായിരുന്നു. അപ്പോള്‍ ലണ്ടനിലെ കടയിലെ വില്‍പനക്കാരന്‍ ഞാന്‍ ഇന്ത്യക്കാരനാണെന്ന് അറിഞ്ഞപ്പോള്‍ താല്‍പര്യമില്ലാതെ പെരുമാറി. ഒരു ടൈയുടെ വില 120 പൗണ്ടാണെന്ന് അയാള്‍ അല്‍പം അഹങ്കാരത്തോടെയാണ് പറഞ്ഞത്. “- അമിതാഭ് ബച്ചന്‍ എക്സില്‍ പങ്കുവെച്ച കുറിപ്പില്‍ പറയുന്നു.തനിക്ക് ഇത്തരം ടൈ വാങ്ങാനുള്ള ശേഷിയില്ലെന്നാണ് ഷോപ്പിലെ ആള്‍ കരുതിയത്.
“ഞാന്‍ അയാളുടെ മുഖത്ത് നോക്കി. എന്നിട്ട് ഇതുപോലത്തെ (120 പൗണ്ട് വിലയുള്ള) പത്ത് ടൈകള്‍ പേക്ക് ചെയ്യാന്‍ ആവശ്യപ്പെട്ടു”- അമിതാഭ് ബച്ചന്‍ വിശദമാക്കുന്നു. ഇതോടെ ലണ്ടനിലെ കടയിലെ വില്‍പനക്കാരന്‍ ഞെട്ടിയെന്നും താരം പറയുന്നു.
ചിലപ്പോഴൊക്കെ നമ്മള്‍ പഴയ ദരിദ്ര ഇന്ത്യയിലെ ആളുകളല്ല എന്ന് വ്യക്തമാക്കേണ്ടിവരുമെന്നും ഇന്ത്യ ഇപ്പോള്‍ സമ്പന്നരുടെ കൂടി ഇന്ത്യയാണെന്നും അമിതാഭ് ബച്ചന്‍ ചൂണ്ടിക്കാട്ടുന്നു.
പ്രതികരിക്കാൻ ഇവിടെ എഴുതുക