തിരുവനന്തപുരം:എന്സിപിയില് മന്ത്രി സ്ഥാനത്തിനായുളള പിടിവലിയില് നിലവിലെ മന്ത്രി എ കെ ശശീന്ദ്രന് സ്ഥാനം നഷ്ടമാകുമെന്ന് സൂചന. എ.കെ. ശശീന്ദ്രന് രാജിവയ്ക്കുമെന്നാണ് റിപ്പോര്ട്ട്. ഇത് സംബന്ധിച്ച് ഒരാഴ്ചയ്ക്കകം പ്രഖ്യാപനമുണ്ടാകുമെന്നാണ് അറിയുന്നത്.
തര്ക്കം മുറുകിയ അവസ്ഥയായതോടെ തോമസ് കെ തോമസിനെയും ശശീന്ദ്രനെയും ശരത് പവാര് വെളളിയാഴ്ച കൂടിക്കാഴ്ചയ്ക്ക് വിളിപ്പിച്ചിരുന്നു. പവാറിന്റെ തീരുമാനം തോമസ് കെ തോമസിന് അനുകൂലമായിരുന്നു. ഇതോടെയാണ് ശശീന്ദ്രന് മന്ത്രിസഭയില്നിന്ന് ഒഴിയേണ്ട സാഹചര്യം ഉണ്ടാവുന്നത്.
മന്ത്രിയെ മാറ്റുന്ന വിഷയത്തില് അന്തിമ തീരുമാനം പവാറിന്റേതാണെന്ന് എന്സിപി സംസ്ഥാന അധ്യക്ഷന് പി.സി. ചാക്കോ പറഞ്ഞു.തീരുമാനം ഒരാഴ്ചയ്ക്കകം ഉണ്ടായേക്കുമെന്നും അദ്ദേഹം വ്യക്തമാക്കി.
മന്ത്രിസ്ഥാനവുമായി ബന്ധപ്പെട്ട തര്ക്കത്തെ തുടര്ന്ന് ശശീന്ദ്രന് നേരത്തെ മുഖ്യമന്ത്രിയുമായി കൂടിക്കാഴ്ച നടത്തിയിരുന്നു. എന്നാല് എന്സിപിയുടെ ആഭ്യന്തര കാര്യത്തില് ഇടപെടാനില്ലെന്ന നിലപാടാണ് പിണറായി സ്വീകരിച്ചത്.
മന്ത്രിസ്ഥാനത്തുനിന്ന് നീക്കിയാല് എംഎല്എ സ്ഥാനവും രാജിവയ്ക്കുമെന്ന് ശശീന്ദ്രന് നേരത്തെ ഭീഷണിപ്പെടുത്തിയിരുന്നു. എന്നാല് ശരത് പവാര് വിളിപ്പിച്ചതോടെ ശശീന്ദ്രന് പാര്ട്ടി പറഞ്ഞാല് സ്ഥാനം ഒഴിയുമെന്ന നിലപാടിലേക്ക് മാറി.
