വയനാട്: മാനന്തവാടിയില്‍ അമ്പതുകാരനെ വീടിന് സമീപത്തെ തോട്ടത്തില്‍ ജീവനൊടുക്കിയ നിലയില്‍ കണ്ടെത്തി. എടവക പാതിരിച്ചാല്‍ കുന്നത്ത് കെ ടി സുനിലിനെയാണ് ജീവനൊടുക്കിയ നിലയില്‍ കണ്ടെത്തിയത്. മാനന്തവാടിയിലെ സ്റ്റീല്‍ ലാന്റ് എന്ന വ്യാപാര സ്ഥാപനത്തിലെ ജോലിക്കാരനായിരുന്ന സുനിലിന് ബാങ്ക് വായ്പ ഉള്‍പ്പെടെ 25 ലക്ഷം രൂപയുടെ കടബാധ്യതയുള്ളതായാണ് വിവരം. ഇതായിരിക്കാം ജീവനൊടുക്കാന്‍ കാരണമെന്ന് ബന്ധുക്കള്‍ പറഞ്ഞു.
വ്യാഴാഴ്ച ഉച്ചയ്‌ക്ക് രണ്ടരയോടെയാണ് സുനിലിനെ മരിച്ച നിലയില്‍ കണ്ടെത്തിയത്. വീട് നിര്‍മിക്കാനായി എടുത്ത വായ്പയും സ്വകാര്യ വ്യക്തികളില്‍ നിന്നു കടം വാങ്ങിയതും ഉള്‍പ്പെടെ 25 ലക്ഷം രൂപയിലധികം കടബാധ്യതയുണ്ടെന്ന് സുനിലിന്റെ പിതാവിന്റെ സഹോദരന്റെ മകനും എടവക ഗ്രാമപ്പഞ്ചായത്ത് മുന്‍ അംഗവുമായ ബിനു കുന്നത്ത് പറഞ്ഞു.
പ്രതികരിക്കാൻ ഇവിടെ എഴുതുക