തിരുവനന്തപുരം: 2024 ലെ തല്‍ സേന ക്യാമ്പിന്റെ(ടിഎസ്‌സി) ഭാഗമായി നടന്ന എന്‍സിസി ഇന്റര്‍ ഡയറക്ടറേറ്റ് സര്‍വിസ് ഷൂട്ടിംഗ് മത്സരത്തില്‍ കേരള-ലക്ഷദ്വീപ് ഡയറക്ടറേറ്റിലെ 34 കേഡറ്റുകള്‍ ഉള്‍പ്പെട്ട ടീം 578 കേഡറ്റുകളെ പിന്തള്ളി മികച്ച ഡയറക്ടറേറ്റ് പുരസ്‌കാരം നേടി.
സെപ്തംബര്‍ രണ്ടു മുതല്‍ 13 വരെ ഡല്‍ഹിയില്‍ നടന്ന മത്സരത്തില്‍ കേരള-ലക്ഷദ്വീപ് ഡയറക്ടറേറ്റ് വിവിധ വിഭാഗങ്ങളിലായി 91 കേഡറ്റുകളെ പങ്കെടുപ്പിച്ചു. മാപ്പ് റീഡിംഗ്, ജഡ്ജിംഗ് ഡിസ്റ്റന്‍സ്, ഫീല്‍ഡ് സിഗ്‌നല്‍, ഒബ്സ്റ്റക്കിള്‍ ട്രെയിനിംഗ്, ഹെല്‍ത്ത് ആന്റ് ഹൈജീന്‍, ടെന്റ് പിച്ചിംഗ് എന്നിവ ഉള്‍പ്പെട്ടതായിരുന്നു ആറ് ഇവന്റുകള്‍.
മാപ്പ് റീഡിംഗ്, ഹെല്‍ത്ത് ആന്റ് ഹൈജീന്‍, സര്‍വീസസ് ഷൂട്ടിംഗ് എന്നിവയില്‍ പങ്കെടുത്ത 25 കേഡറ്റുകളില്‍ 16 വ്യക്തിഗത റണ്ണേഴ്‌സ് അപ്പ് സമ്മാനങ്ങളും 9 പോഡിയം ഫിനിഷര്‍ മെഡലുകളും നേടി. ബോയ്‌സ് റണ്ണേഴ്‌സ് അപ്പ് ആകുകയും ആറാം സ്ഥാനത്ത് നിന്നും നാലാം സ്ഥാനത്തേക്ക് നില മെച്ചപ്പെടുത്തുകയും ചെയ്തു. 3 പോയിന്റിന്റെ ലീഡുമായി കേരളം പട്ടികയില്‍ ഒന്നാമതെത്തി.
പ്രതികരിക്കാൻ ഇവിടെ എഴുതുക: