ബുഡാപെസ്റ്റ്: ചെസ് ഒളിംപ്യാഡില്‍ ഭാരതത്തിന് തുടര്‍ച്ചയായ അഞ്ചാം വിജയം. ഓപ്പണ്‍ വിഭാഗത്തില്‍ അസര്‍ബെയ്ജാനെയാണ് 3-1ന് ഭാരതം കീഴടക്കിയത്. ഭാരതത്തിനായി ഡി. ഗുകേഷും അര്‍ജുന്‍ എരിഗെയ്സിയും വിജയം കണ്ടപ്പോള്‍ പ്രഗ്‌നാനന്ദയും വിദിത് ഗുജറാത്തിയും സമനില വഴങ്ങി. നാലാം റൗണ്ടില്‍ സെര്‍ബിയയെയും മൂന്നാം റൗണ്ടില്‍ ആതിഥേയരായ ഹംഗറിയെയും രണ്ടാം റൗണ്ടില്‍ ഐസ്ലന്‍ഡിനെയും ആദ്യ റൗണ്ടില്‍ മൊറോക്കോയെയും ഭാരതം പരാജയപ്പെടുത്തിയിരുന്നു.
വനിതാ വിഭാഗത്തിലും ഭാരതം തുടര്‍ച്ചയായ അഞ്ചാം വിജയം സ്വന്തമാക്കി. കഴിഞ്ഞ ദിവസം കസാഖിസ്ഥാനെ 2.5-1.5ന് പരാജയപ്പെടുത്തിയാണ് ഭാരത വനിതകള്‍ തുടര്‍ച്ചയായ അഞ്ചാം വിജയം സ്വന്തമാക്കിയത്. ആര്‍. വൈശാലിയും വാന്‍തിക അഗര്‍വാളും വിജയിച്ചപ്പോള്‍ ദിവ്യ ദേശ്മുഖ് സമനില പാലിച്ചു. ഹരിക ദ്രോണവല്ലി കസാഖിസ്ഥാന്‍ താരത്തോട് പരാജയം ഏറ്റുവാങ്ങി.
പ്രതികരിക്കാൻ ഇവിടെ എഴുതുക