കോഴിക്കോട് : ഹോം നഴ്സിംഗ് സ്ഥാപനത്തില് ജോലി വാഗ്ദാനം ചെയ്ത് പീഡിപ്പിച്ചെന്ന യുവതിയുടെ പരാതിയില് യുവാവ് അറസ്റ്റിലായി. മലപ്പുറം സ്വദേശി എടവണ്ണപ്പാറ ചെറുകാവ് കണ്ണംവെട്ടി കാവ് കുനിക്കാട്ട് വീട്ടില് മുഹമ്മദ് അഷ്റഫ് (40) ആണ് പിടിയിലായത്.
കണ്ണൂര് തളിപ്പറമ്പില് അറസ്റ്റ് ചെയ്ത പ്രതിയെ റിമാന്ഡ് ചെയ്തു. സ്ഥാപനത്തിന്റെ മറവില് ഇയാള് പെണ്വാണിഭം നടത്തുന്നുണ്ടെന്നും പൊലീസ് പറഞ്ഞു.
എടവണ്ണപ്പാറയില് പ്രതി നടത്തുന്ന മൈലാഞ്ചി ഹോംനഴ്സിംഗ് സ്ഥാപനത്തിലേക്കു ഹോംനഴ്സിനെ ആവശ്യമുണ്ടെന്ന പരസ്യം കണ്ട് അഭിമുഖത്തിനെത്തിയതായിരുന്നു യുവതി. കോഴിക്കോട് മിംസ് ആശുപത്രിക്ക് സമീപമുള്ള സ്വകാര്യ ഹോട്ടലില് വച്ചാണ് ബലാത്സംഗം ചെയ്തതെന്നാണ് പരാതി. മെഡിക്കല് കോളജ് പൊലീസാണ് പ്രതിയെ അറസ്റ്റ് ചെയ്തത്.
