ന്യൂദല്‍ഹി: ദല്‍ഹി അണ്ടര്‍പാസില്‍(അടിപ്പാത)വെള്ളക്കെട്ടില്‍ വാഹനം കുടുങ്ങിയുണ്ടായ അപകടത്തില്‍ രണ്ട് പേര്‍ കൊല്ലപ്പെട്ടു. വെള്ളിയാഴ്ച രാത്രി പഴയ ഫരീദാബാദ് അണ്ടര്‍പാസിലാണ് അപകടം. എച്ച്ഡിഎഫ്‌സി ഗുരുഗ്രാം ശാഖ ബാങ്ക് മാനേജര്‍ പുണ്യാശ്രയ് ശര്‍മ(48), കാഷ്യര്‍ വിരാജ്(26) എന്നിവരാണ് മരിച്ചത്.
കനത്ത മഴയില്‍ ദല്‍ഹി- എന്‍സിആറിന്റെ പല ഭാഗങ്ങളിലും വെള്ളക്കെട്ട് രൂപപ്പെട്ടിരുന്നു. ബാങ്ക് ജീവനക്കാര്‍ സഞ്ചരിച്ചിരുന്ന എസ്‌യുവി ഇതില്‍ അകപ്പെടുകയായിരുന്നു. പോലീസിന്റെ ഭാഗത്തു നിന്നുള്ള അനാസ്ഥയാണ് അപകടത്തിന ് കാരണമെന്ന് ആരോപണങ്ങള്‍ ഉയര്‍ന്നിട്ടുണ്ട്. അപകടകരമായ വെള്ളക്കെട്ട് ഉണ്ടായിട്ടും സ്ഥലത്തേയ്‌ക്ക് പോകാന്‍ ഇരുവരെയും പോലീസ് അനുവദിച്ചെന്നും ആരോപണമുണ്ട്.
എന്നാല്‍ റെയില്‍വേ അണ്ടര്‍പാസില്‍ അപകട സാധ്യതയുള്ളതിനാല്‍ ബാരിക്കേഡുകള്‍ സ്ഥാപിച്ചിരുന്നു. അവിടെ ഡ്യൂട്ടിയിലുണ്ടായിരുന്ന പോലീസുകാരനോട് ഇവര്‍ നിര്‍ബന്ധമായി ബാരിക്കേഡ് നീക്കാന്‍ ആവശ്യപ്പെട്ട് പോയതാണ് അപകടത്തിന് കാരണം.
ഇരുവരും മദ്യപിച്ചിരുന്നതായും സംശയമുണ്ട്. ഇക്കാര്യം പരിശോധിക്കുമെന്നും അധികൃതര്‍ അറിയിച്ചു. പോലീസിന്റെ മുന്നറിയിപ്പുകളും നിര്‍ദ്ദേശങ്ങളും ശ്രദ്ധിക്കണമെന്ന് അദ്ദേഹം പൊതുജനങ്ങളോട് അഭ്യര്‍ത്ഥിച്ചു.
എല്ലാവരും ജാഗ്രത പാലിക്കണമെന്നും പോലീസ് മുന്നറിയിപ്പുകളും ട്രാഫിക് നിയന്ത്രണങ്ങളും പാലിക്കണമെന്നും ഉദ്യോഗസ്ഥര്‍ അഭ്യര്‍ത്ഥിച്ചു.
പ്രതികരിക്കാൻ ഇവിടെ എഴുതുക: