പാലക്കാട് : തീറ്റമത്സരത്തിനിടെ ഇഡ്ഡലി തൊണ്ടയില്‍ കുടുങ്ങി മധ്യവയസ്‌കന്‍ മരിച്ചു. കഞ്ചിക്കോട് സ്വദേശി ബി സുരേഷ്(50) ആണ് മരിച്ചത്. ഓണാഘോഷത്തോടനിബന്ധിച്ച് സംഘടിപ്പിച്ച ഇഡ്ഡലി തീറ്റ മത്സരത്തിനിടെ ആണ് സംഭവം.
കൂടുതല്‍ ഇഡ്ഡലി കഴിക്കാന്‍ ശ്രമിക്കവെ ഭക്ഷണം തൊണ്ടയില്‍ കുരുങ്ങുകയായിരുന്നു. ശനിയാഴ്ച ഉച്ചയോടെയാണ് സംഭവം.
കഞ്ചിക്കോട് ഭാഗത്തെ യുവാക്കളുടെ കുട്ടായ്‌മയായിരുന്നു ഇഡ്ഡലി തീറ്റ മത്സരം സംഘടിപ്പിച്ചത്. മത്സരത്തിന്റെ രണ്ട് ഘട്ടങ്ങള്‍ പൂര്‍ത്തിയായി മൂന്നാം ഘട്ടം നടക്കുന്നതിനിടെയാണ് സംഭവം. ഇഡ്ഡലി കഴിക്കവെ സുരേഷിന് ശ്വാസം കിട്ടാതെ വരികയായിരുന്നു. ഉടനെ തന്നെ ഇയാളെ ആശുപത്രിയില്‍ എത്തിച്ചെങ്കിലും മരിച്ചു.
