ഇന്ത്യയിലെത്തുന്ന ഏറ്റവും വലിയ കപ്പല്‍ എം എസ് സി ക്ലോഡ് ഗിറാര്‍ഡേറ്റ് വിഴിഞ്ഞത്ത്

തിരുവനന്തപുരം:വിഴിഞ്ഞം തുറുമുഖത്തെ പുറം കടലില്‍ നങ്കൂരമിട്ട എം എസ് സി ക്ലോഡ് ഗിറാര്‍ഡേറ്റ് കപ്പലിനെ തുറമുഖത്തോട് അടുപ്പിച്ചു. മലേഷ്യയില്‍ നിന്നാണ് കപ്പല്‍ എത്തിയത്.

ഇന്ത്യയിലെത്തുന്ന ഏറ്റവും വലിയ കപ്പലാണിത്.വിഴിഞ്ഞം രാജ്യാന്തര തുറമുഖത്ത് 800 മീറ്ററാണ് ആദ്യഘട്ടത്തില്‍ നിര്‍മാണം പൂര്‍ത്തിയായത്. ഇതിന്റെ പകുതിയിലധികവും കപ്പല്‍ കയ്യടക്കും. 24116 ടിഇയു അഥവാ ട്വന്റി ഫൂട്ട് ഇക്വലന്റ് യൂണിറ്റാണ് എംഎസ്‌സി ക്ലാഡ് ഗിരാര്‍ഡോയുടെ കണ്ടെയ്‌നര്‍ ശേഷി.

399 മീറ്റര്‍ നീളമുള്ള കപ്പലിന് 61.5 മീറ്ററാണ് വീതി. കപ്പലിന്റെ ആഴം 16.7 മീറ്ററാണ് . മണിക്കൂറുകള്‍ മാത്രമേ കപ്പല്‍ തുറമുഖത്തുണ്ടാകൂവെന്നും തുറമുഖ അധികൃതര്‍ അറിയിച്ചു. കുറച്ചു കണ്ടെയ്‌നറുകള്‍ ഇറക്കുകയും പുനഃക്രമീകരിക്കുകയും ചെയ്ത ശേഷം കപ്പല്‍ വൈകിട്ടോടെ തുറമുഖം വിടും.