ചെറുകോല് (മാവേലിക്കര): ജന്മഭൂമി ഓണപ്പതിപ്പിന്റെ പ്രകാശനം ഇന്ന് നടക്കും. മാവേലിക്കര ചെറുകോല് ശുഭാനന്ദാശ്രമത്തില് രാവിലെ 10ന് മഠാധിപതി ദേവാനന്ദ ഗുരുദേവന് പ്രകാശനകര്മം നിര്വഹിക്കും.
ജന്മഭൂമി എഡിറ്റര് കെ.എന്.ആര്. നമ്പൂതിരി, സീനിയര് ന്യൂസ് എഡിറ്റര് ബാബു കൃഷ്ണകല, പത്തനംതിട്ട യൂണിറ്റ് മാനേജര് എ.സി. സുനില്കുമാര് എന്നിവര് പങ്കെടുക്കും. ആര്എസ്എസ് ശതാബ്ദി ആഘോഷങ്ങളുടെ ഭാഗമായി സംഘത്തിന്റെ ചരിത്രം ഉള്ക്കൊള്ളിച്ച് ‘സംഘം’ , വൈക്കം സത്യഗ്രഹ ശതാബ്ദിയുമായി ബന്ധപ്പെട്ട് ‘ശിവം’, മാറുന്ന കേരളം എന്ന വിഷയത്തെ ആസ്പദമാക്കി ‘സുന്ദരം’ എന്നീ മൂന്ന് പതിപ്പുകളാണ് ഇത്തവണ ജന്മഭൂമി പ്രസിദ്ധീകരിക്കുന്നത്. പ്രശസ്തരായ വ്യക്തികളുടെ കഥ, കവിത, ആനുകാലിക ലേഖനങ്ങള് എന്നിവയ്ക്ക് പുറമെ ശ്രദ്ധേയമായ ചിത്രങ്ങളും പതിപ്പില് ഉള്ക്കൊള്ളിച്ചിട്ടുണ്ട്.
