തിരുവനന്തപുരം: ഓസ്ട്രേലിയയില് സ്ഥിരതാമസത്തിനൊരുങ്ങുകയാണ് നര്ത്തകിയും അഭിനേത്രിയുമായ മേതില് ദേവിക. ഈ സന്തോഷവാര്ത്ത സമൂഹമാധ്യമത്തിലൂടെ അറിയിക്കുകയായിരുന്നു താരം.
ആഗോള തലത്തിലുളള പ്രവര്ത്തന മികവിനെ അടിസ്ഥാനമാക്കി ഗ്ലോബല് ടാലന്റ് വിഭാഗത്തിലാണ് ഓസ്ട്രേലിയന് ഗവണ്മെന്റ് മേതില് ദേവികയ്ക്ക് പെര്മനന്റ് റെസിഡന്റ് സ്റ്റാറ്റസ് അനുവദിച്ചു നല്കിയത്. ഇതോടെ താനും മകനും ഓസ്ട്രേലിയയില് സ്ഥിരമായി താമസിക്കാനുളള അര്ഹത നേടിയിരിക്കുകയാണെന്നും ഈ വിവരം ആരാധകരെ അറിയിക്കുന്നതില് സന്തോഷമുണ്ടെന്നും മേതില് ദേവിക കുറിച്ചു.
അതേസമയം വിഷ്ണു മോഹന് സംവിധാനം ചെയ്യുന്ന കഥ ഇന്നുവരെ എന്ന ചിത്രത്തിലൂടെ മലയാളസിനിമയില് അരങ്ങേറ്റം കുറിച്ചിരിക്കുകയാണ് മേതില് ദേവിക. ബിജുമേനോന് നായകനാകുന്ന ചിത്രത്തില് നിഖില വിമല്, അനുശ്രീ, അനു മോഹന് , ഹക്കിം ഷാജഹാന് എന്നിവരും പ്രധാന വേഷത്തിലെത്തുന്നുണ്ട്. സെപ്റ്റംബര് 20 ചിത്രം തിയറ്ററകുളിലെത്തുക.
