കുന്നംകുളം: കുന്നംകുളം ആര്‍ത്താറ്റ് സെന്റ് മേരീസ് ഓര്‍ത്തഡോക്‌സ് കത്തീഡ്രല്‍ പള്ളി സന്ദര്‍ശിച്ച് കേന്ദ്രമന്ത്രി സുരേഷ് ഗോപി. വിശുദ്ധമാതാവിന്റെ ജനന പെരുന്നാളിനോടനുബന്ധിച്ചായിരുന്നു മന്ത്രിയുടെ സന്ദര്‍ശനം. വികാരി റവ.ഫാ. വി.എം ശമുവേല്‍, സഹവികാരി റവ.ഫാ ജോസഫ് ജോര്‍ജ്ജ്, റവ ഫാ. ജോര്‍ജ്ജ് ചാക്കോ തുടങ്ങിയവര്‍ കേന്ദ്രമന്ത്രിയെ പൊന്നാട അണിയിച്ച് സ്വീകരിച്ചു. ആത്മീയ സംഘടനാ പ്രതിനിധികളും ഇടവക അംഗങ്ങളും സാക്ഷ്യം വഹിച്ചു. പളളിയില്‍ അദ്ദേഹം മെഴുകുതിരി തെളിയിക്കുകയും ചെയ്തു. സുരേഷ് ഗോപിക്ക് ഉപഹാരം നല്‍കിയാണ് പളളി ഭാരവാഹികള്‍ മടക്കിയത്.
ബിജെപി തൃശൂര്‍ ജില്ലാ പ്രസിഡന്റ് അഡ്വ. കെ. കെ അനീഷ് കുമാര്‍, ബിജെപി ജില്ലാ ജനറല്‍ സെക്രട്ടറി ജസ്റ്റിന്‍ ജേക്കബ് ബിജെപി കുന്നംകുളം മണ്ഡലം ജനറല്‍ സെക്രട്ടറി പി.ജെ. ജെബിന്‍ തുടങ്ങിയവര്‍ ഒപ്പമുണ്ടായിരുന്നു.
പ്രതികരിക്കാൻ ഇവിടെ എഴുതുക: