കൊച്ചി: കൊച്ചി സ്വദേശിയായ നടിയുടെ ലൈംഗികാതിക്രമ പരാതിയില് നടന് ഇടവേള ബാബുവിന്റെ ഫ്ലാറ്റില് പോലീസ് പരിശോധന നടത്തി. പരാതിക്കാരിയുമായി എത്തിയായിരുന്നു പരിശോധന നടത്തിയത്. ഫഌറ്റിന്റെ താക്കോല് ഇടവേള ബാബു നല്കുന്നില്ലെന്നും അന്വേഷണവുമായി സഹകരിക്കുന്നില്ലെന്നും പ്രോസിക്യൂഷന് നേരത്തേ കോടതിയെ അറിയിച്ചിരുന്നു. ഇതിന് പിന്നാലെയാണ് അന്വേഷണ സംഘത്തിന്റെ നടപടി.
എഎംഎംഎയിലെ അംഗത്വവുമായി ബന്ധപ്പെട്ട ഫോം പൂരിപ്പിക്കാനായി ഫഌറ്റിലേക്ക് വിളിച്ചുവരുത്തി ലൈംഗികാതിക്രമം നടത്തിയെന്നായിരുന്നു നടിയുടെ ആരോപണം. അതേസമയം പീഡന പരാതിയില് ഇടവേള ബാബുവിന് കഴിഞ്ഞദിവസം കോടതി മുന്കൂര് ജാമ്യം അനുവദിച്ചിരുന്നു. എറണാകുളം പ്രിന്സിപ്പല് സെഷന്സ് കോടതിയുടെ ഈ നടപടിക്കെതിരേ അപ്പീല് പോകാനുള്ള ആലോചനയിലാണ് അന്വേഷണസംഘം.
എഎംഎംഎയിലെ അംഗത്വവുമായി ബന്ധപ്പെട്ട് ഇടവേള ബാബുവിനെതിരെയുള്ള പരാതിയില് എറണാകുളം നോര്ത്ത് പോലീസ് ആണ് കേസെടുത്തത്. പ്രത്യേകാന്വേഷണ സംഘത്തിന് മുമ്പാകെ നടി പരാതി നല്കിയിരുന്നു. ഏഴ് പരാതികളായിരുന്നു നടി നല്കിയത്. ഇതില് മറ്റ് കേസുകളിലും അന്വേഷണം നടക്കുകയാണ്.
