മലപ്പുറം: ഓള് ഇന്ത്യ ഫുട്ബോള് ഫെഡറേഷന് (എഐഎഫ്എഫ്) സംഘടിപ്പിക്കുന്ന ഐ-ലീഗ് 3-ലെ മൂന്നാം മത്സരത്തില് കേരള യുണൈറ്റഡ് എഫ്സിയും സെസാ ഗോവ എഫ്സിയും ഗോള്രഹിത സമനിലയില് പിരിഞ്ഞു. രണ്ട് ടീമുകളും കിണഞ്ഞു പരിശ്രമിച്ചിട്ടും കളിയില് ഒരു ഗോള് പോലും പിറന്നില്ല. രണ്ട് ടീമുകളും ആദ്യ പകുതിയില് ചില അവസരങ്ങള് സൃഷ്ടിച്ചെങ്കിലും ഗോള് നേടാന് കഴിഞ്ഞില്ല.
രണ്ടാം പകുതിയില് കൂടുതല് ആത്മവിശ്വാസം പ്രകടിപ്പിച്ച കേരള യുണൈറ്റഡ് കളി നിയന്ത്രത്തിലാക്കി കൂടുതല് അവസരങ്ങള് സൃഷ്ടിച്ചെങ്കിലും ഡെഡ്ലോക്ക് ബ്രേക്ക് ചെയ്യാന് സാധിച്ചില്ല. ഒടുവില് ഗോളില്ലാ സമനിലയില് മത്സരം പിരിഞ്ഞു.
ഇതേ തുടര്ന്ന് കേരള യുണൈറ്റഡിന് 3 മത്സരങ്ങളില് നിന്ന് 5 പോയിന്റുകളായി. നിലവില് ഐ-ലീഗ് 3-ലെ ഗ്രൂപ്പ് ബിയില് ഒന്നാം സ്ഥാനത്താണ് ഈ ടീം.
