തിരുവനന്തപുരം: മുഖ്യമന്ത്രിയുടെ പ്രസ് സെക്രട്ടറി പി.എം. മനോജിന്റെ മകന്റെ ഉടമസ്ഥതയിലുള്ള ‘നേരറിയാന്‍ ‘ പോര്‍ട്ടലിന്റെ ബില്ലുകള്‍ തടഞ്ഞു വച്ച ഐപിആര്‍ഡി ഡയറക്ടറെ തെറിപ്പിക്കാന്‍ നീക്കം.
നവകേരള സദസ് , കേരളീയം തുടങ്ങിയ പരിപാടികളുടെ സമൂഹ മാധ്യമ ലൈവ് സ്ട്രീമിങ് ചുമതല ടെന്‍ഡര്‍ ഇല്ലാതെ അമലിന്റെ നേരറിയാന്‍ പോര്‍ട്ടലിനു നല്‍കിയിരുന്നു.
ഐപിആര്‍ഡി ഡപ്യൂട്ടി ഡയറക്ടറാണ് നടപടി ക്രമങ്ങള്‍ പാലിക്കാതെ കരാര്‍ നല്‍കിയത്.
നേരറിയാന്‍ പോര്‍ട്ടലിലെ ആറംഗ സംഘം ഔദ്യോഗിക ടീമിന്റെ ഭാഗമായി നവകേരള സഭസിനൊപ്പം യാത്ര ചെയ്തതിന്റെ ചെലവും സര്‍ക്കാര്‍ വഹിച്ചു. ഭീമമായ ബില്‍ ഡയറക്ടറുടെ അപ്രൂവലിനു ചെന്നപ്പോഴാണ് പിടി കൂടിയത്. ടെന്‍ഡര്‍ നടപടിയില്ലാതെ കരാര്‍ നല്‍കിയ ഡപ്യൂട്ടി ഡയറക്ടറോാടു ഡയറക്ടര്‍ വിശദീകരണം തേടി.
പി.എം. മനോജിന്റെ മകനാണ് പോര്‍ട്ടല്‍ ഉടമയെന്ന് ഡപ്യൂട്ടി ഡയറക്ടര്‍ വിശദീകരിച്ചെങ്കിലും ഡയറക്ടര്‍ ബില്‍ തടഞ്ഞു വെച്ചു. തുടര്‍ന്ന് ഡയറക്ടറെ മാറ്റാന്‍ ഊര്‍ജിത ശ്രമം ആരംഭിച്ചു. ഡയറക്ടര്‍ക്ക് അനുകൂലമായി ചീഫ് സെക്രട്ടറി ഇടപെട്ടതിനാല്‍ തല്‍ക്കാലം മാറ്റമില്ലെന്ന നിലപാടിലാണ് മുഖ്യമന്ത്രി.
Thursday, December 5, 2024
വീണ്ടും മുഖ്യമന്ത്രിയുടെ ഓഫീസ്; ഇത്തവണ പ്രസ് സെക്രട്ടറി: മകന്റെ ബില്‍ തടഞ്ഞു; പിആര്‍ഡി ഡയറക്ടറെ തെറിപ്പിക്കാന്‍ നീക്കം
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: