തിരുവനന്തപുരം: സിനിമ നയരൂപീകരണ സമിതിയില് നിന്ന് എം.മുകേഷിനെ ഒഴിവാക്കി. സി.പി.എമ്മിന്റെ നിര്ദ്ദേശപ്രകാരമാണ് ഇത്.
ഫെഫ്ക അധ്യക്ഷന് ബി.ഉണ്ണികൃഷ്ണന് അടക്കം മറ്റ് ഒമ്പത് പേരും സമിതിയില് തുടരും. നവംബര് പകുതി കഴിഞ്ഞ് കൊച്ചിയില് കോണ്ക്ലേവ് സംഘടിപ്പിക്കാനാണ് തീരുമാനം. ചലച്ചിത്ര വികസന കോര്പറേഷന് ചെയര്മാന് ഷാജി എന് കരുണിനാകും നടത്തിപ്പ് ചുമതല.
ഹേമ കമ്മിറ്റി റിപ്പോര്ട്ട് പുറത്തുവരികയും മുകേഷിനെതിരെ ലൈംഗിക ആരോപണങ്ങള് ഉന്നയിക്കപ്പെടുകയും ചെയ്തതോടെ മുകേഷിനെ സിനിമ നയരൂപീകരണ സമിതിയില് നിന്ന് മാറ്റണമെന്ന ആവശ്യം ഉയര്ന്നിരുന്നു.സമഗ്രമായ സിനിമാ നയം രൂപീകരിക്കുന്നതിന്റെ ഭാഗമായാണ് സിനിമാ മേഖലയിലെ എല്ലാ വിഭാഗങ്ങളില് നിന്നുമുള്ള പ്രമുഖരെ ഉള്പ്പെടുത്തി വിപുലമായ കോണ്ക്ലേവ് കൊച്ചിയില് സംഘടിപ്പിക്കാനൊരുങ്ങുന്നത്.
അതേസമയം കോണ്ക്ലേവുമായി സഹകരിക്കില്ലെന്ന നിലപാടിലാണ് പ്രതിപക്ഷം. ഇരകളെയും വേട്ടക്കാരെയും ഒരുമിച്ചിരുത്തിയാണോ കോണ്ക്ലേവെന്നാണ് ഡബ്ലിയുസിസിയുടെ ചോദ്യം.
