തിരുവനന്തപുരം: സംസ്ഥാന ഭാഗ്യക്കുറി വകുപ്പില്‍ നിന്ന് കാരുണ്യ ആരോഗ്യ സുരക്ഷാ പദ്ധതിപ്രകാരമുള്ള ചികിത്സാ സഹായത്തിനായി സ്‌റ്റേറ്റ് ഹെല്‍ത്ത് ഏജന്‍സിക്ക് 57 കോടി രൂപ കൈമാറി. സെക്രട്ടേറിയറ്റില്‍ ധനമന്ത്രിയുടെ ചേംബറില്‍ നടന്ന ചടങ്ങില്‍ മന്ത്രി കെ.എന്‍. ബാലഗോപാലില്‍ നിന്നും ആരോഗ്യമന്ത്രി വീണാ ജോര്‍ജ് ചെക്ക് ഏറ്റുവാങ്ങി.
ഭാഗ്യക്കുറി വകുപ്പു ഡയറക്ടര്‍ എബ്രഹാം റെന്‍, സ്‌റ്റേറ്റ് ഹെല്‍ത്ത് ഏജന്‍സി ജോ. ഡയറക്ടര്‍ ഡോ. ബിജോയ്, ഭാഗ്യക്കുറി വകുപ്പ് ജോ. ഡയറക്ടര്‍ മായാ എന്‍. പിള്ള, ജോ. ഡയറക്ടര്‍ എം. രാജ് കപൂര്‍, ഡപ്യൂട്ടി ഡയറക്ടര്‍ കെ.എസ്. അനില്‍ കുമാര്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: