കൊച്ചി: കാഴ്ച പരിമിത വനിതകളുടെ അഞ്ചാമത് ദേശീയ ടി20 ക്രിക്കറ്റ് ടൂര്‍ണമെന്റ് 2025 ജനുവരി 13 മുതല്‍ 18 വരെ കൊച്ചിയില്‍ നടക്കുമെന്ന് ക്രിക്കറ്റ് അസോസിയേഷന്‍ ഫോര്‍ ദി ബ്ലൈന്‍ഡ് ഇന്‍ ഇന്ത്യ പ്രഖ്യാപിച്ചു. തൃപ്പുണിത്തുറ പാലസ് ഓവല്‍ ഗ്രൗണ്ട്, കളമശ്ശേരി സെ. പോള്‍സ് ഗ്രൗണ്ട്, യുസി കോളേജ് ക്രിക്കറ്റ് ഗ്രൗണ്ട്, ഫിസാറ്റ് ക്രിക്കറ്റ് ഗ്രൗണ്ട്, ആലുവ കീഴ്മാട് ബ്ലൈന്‍ഡ് സ്‌കൂള്‍ ഗ്രൗണ്ട് എന്നിവിടങ്ങളിലാണ് മത്സരം നടക്കുക.
ക്രിക്കറ്റ് അസോസിയേഷന്‍ ഫോര്‍ ദി ബ്ലൈന്‍ഡ് ഇന്‍ കേരളയുടെ ആഭിമുഖ്യത്തില്‍ നടക്കുന്ന ടൂര്‍ണമെന്റില്‍ അഞ്ച് ഗ്രൂപ്പുകളിലായി 20 സ്റ്റേറ്റ് ടീമുകളാണ് മത്സരിക്കുന്നത്. 13 മുതല്‍ 15 വരെ ലീഗ് മാച്ച്, 16ന് ക്വാര്‍ട്ടര്‍ ഫൈനല്‍, 17ന് സെമിഫൈനല്‍, 18ന് ഫൈനല്‍ എന്നിങ്ങനെയാണ് ടൂര്‍ണമെന്റ് ക്രമീകരിച്ചിരിക്കുന്നതെന്ന് വേള്‍ഡ് ബ്ലൈന്‍ഡ് ക്രിക്കറ്റ് കൗണ്‍സില്‍ വൈസ് പ്രസിഡന്റും സിഎബികെ ചെയര്‍മാനുമായ രജനീഷ് ഹെന്റി അറിയിച്ചു.
പ്രതികരിക്കാൻ ഇവിടെ എഴുതുക: