വയനാട് : മുണ്ടക്കൈ ദുരന്ത പ്രദേശത്ത് സന്നദ്ധ പ്രവര്ത്തകരുടെ ഭക്ഷണ വിതരണം തടസപ്പെടുത്തിയത് എഡിജിപി എംആര് അജിത് കുമാറാണെന്ന് സിപിഐ വയനാട് ജില്ലാ സെക്രട്ടറി ഇ ജെ ബാബു. സര്ക്കാരിന് എതിരെ ജനങ്ങളെ തിരിക്കാന് എഡിജിപി ശ്രമിച്ചെന്ന് ബാബു കുറ്റപ്പെടുത്തി.
പൊലീസാണ് സന്നദ്ധ പ്രവര്ത്തകരുടെ ഭക്ഷണ വിതരണം തടഞ്ഞത്. റവന്യൂ മന്ത്രി കൃത്യമായി ഇടപ്പെട്ടത് മൂലമാണ് വലിയ പ്രശ്നങ്ങളിലേക്ക് കാര്യങ്ങള് പോവാതിരുന്നതെന്ന് ഇജെ ബാബു പറഞ്ഞു.
സിപിഐ മന്ത്രിയെ ഫോണില് കാര്യങ്ങള് അറിയിക്കുകയായിരുന്നു.എഡിജിപി അജിത് കുമാറിനെതിരെ ഭരണകക്ഷി എം എല് എ പി വി അന്വറാണ് ഗുരുതരമായ ആരോപണങ്ങള് ഉന്നയിച്ചത്. ഇതോടെ നില്ക്കളളിയില്ലാതെ സര്ക്കാര് അജിത് കുമാറിനെതിരെ അന്വേഷണത്തിന് ഉത്തരവിട്ടെങ്കിലും ക്രമസമാധാന ചുമതലയുളള ഡി ജി പിയായി തുടരും.
