തിരുവനന്തപുരം: ഹേമ കമ്മറ്റി റിപ്പോര്‍ട്ടിനെ തുടര്‍ന്നുണ്ടായ വിവാദങ്ങളുടെ പശ്ചാത്തലത്തില്‍ മോഹന്‍ലാല്‍ ആദ്യമായി സംവിധാനം ചെയ്യുന്ന ബറോസ് എന്ന ചിത്രത്തിന്റെ റിലീസ് തിയതി മാറ്റി. ഈ സാഹചര്യത്തില്‍ റിലീസ് ചെയ്യുന്നത് ഗുണം ചെയ്യില്ലന്ന് മോഹന്‍ലാല്‍ തന്നെയാണ് പത്രസമ്മേളനത്തില്‍ അറിയിച്ചത്.
നേരത്തെ സെപ്റ്റംബര്‍ 12ന് ചിത്രം റിലീസ് ചെയ്യുമെന്നു പറഞ്ഞിരുന്നു. പിന്നീടത് ഓക്ടോബര്‍ 3 ലേക്ക് മാറ്റി. തീയതി വീണ്ടും മാറ്റും എന്ന സൂചനയാണ് മോഹന്‍ലാല്‍ നല്‍കിയത്‌
സിനിമയുടെചിത്രത്തിന്റ പോസ്റ്റ് പ്രൊഡക്ഷന്‍ ജോലികള്‍ ഹോളിവുഡില്‍ ആയിരുന്നു നടന്നത്. പിന്നണി ജോലികളെല്ലാം പൂര്‍ത്തിയായെന്നും മോഹന്‍ലാല്‍ അറിയിച്ചു.
മോഹന്‍ലാല്‍ നായകനാകുന്ന ഫാന്റസി ചിത്രമാണ് ബറോസ്. സംവിധാനത്തിനൊപ്പം ബറോസ് എന്ന ടൈറ്റില്‍ കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്. ജിജോ പുന്നൂസ് എഴുതിയ ‘ബറോസ്: ഗാര്‍ഡിയന്‍ ഓഫ് ദ ഗാമാസ് ട്രെഷര്‍’ എന്ന നോവലിനെ ആസ്പദമാക്കിയാണ് കഥ.
ബറോസിന്റെ ഛായാഗ്രാഹണം നിര്‍വഹിച്ചിക്കുന്നത് സന്തോഷ് ശിവനാണ്. മായ, സീസര്‍, ഗുരു സോമസുന്ദരം തുടങ്ങിയിവരും ബറോസില്‍ നിര്‍ണായക വേഷത്തില്‍ എത്തുന്നു. ത്രീഡിയില്‍ എത്തുന്ന ബറോസിന്റെ നിര്‍മാണം ആന്റണി പെരുമ്പാവൂരാണ്.
പ്രതികരിക്കാൻ ഇവിടെ എഴുതുക: