തിരുവനന്തപുരം: ജില്ലാ പഞ്ചായത്ത് സൈനിക, അര്‍ദ്ധസൈനിക, പോലീസ്, എക്‌സൈസ് തുടങ്ങിയ സേനാവിഭാഗങ്ങളില്‍ തൊഴില്‍ നേടാന്‍ ആഗ്രഹിക്കുന്ന യുവതി – യുവാക്കള്‍ക്ക് രണ്ടു മാസക്കാലത്തെ റസിഡന്‍ഷ്യല്‍ പരിശീലനം നല്‍കുന്നു. 18-നും 30-നും ഇടയില്‍ പ്രായമുളള ആരോഗ്യവാന്മാരായ ഉദ്യോഗാര്‍ത്ഥികള്‍ക്കാണ് അവസരം. കുറഞ്ഞത് എസ്.എസ്.എല്‍.സി വിജയിച്ചിരിക്കണം. ജില്ലയിലെ ഗ്രാമപഞ്ചായത്തുകളില്‍ സ്ഥിരതാമസമുളള ഉദ്യോഗാര്‍ത്ഥികള്‍ക്ക് മാത്രമേ അപേക്ഷിക്കാന്‍ അര്‍ഹതയുണ്ടാവൂ. പുരുഷന്മാര്‍ക്ക് കുറഞ്ഞത് 167 സെന്റീമീറ്ററും, വനിതകള്‍ക്ക് 157 സെന്റിമീറ്ററും ഉയരം ഉണ്ടായിരിക്കണം. ഉദ്യോഗാര്‍ഥികള്‍ക്ക് കായികക്ഷമതാ പരീക്ഷ, എഴുത്തു പരീക്ഷ, ഇന്റര്‍വ്യൂ എന്നിവയില്‍ വിജയിയ്‌ക്കുവാനുള്ള പ്രാപ്തി നേടികൊടുക്കുക എന്നതാണ് പരിശീലനത്തിലൂടെ ലക്ഷ്യമിടുന്നത്.
ഫോണ്‍ നമ്പര്‍ – 0471-2314238,0471-2314232
പ്രതികരിക്കാൻ ഇവിടെ എഴുതുക: