തിരുവനന്തപുരം: ഒന്പത് വയസുകാരിയെ നാലുവര്ഷം നിരന്തരമായി പീഡിപ്പിച്ച പത്തോളം കേസില് പ്രതിയായ കുടപ്പനക്കുന്ന് ഹാര്വീപുരം സ്വദേശി ലാത്തി രതീഷ് എന്ന രതീഷ്കുമാറിനെ (41) 86 വര്ഷം കഠിനതടവിനും 75000 രൂപ പിഴയ്ക്കും ശിക്ഷിച്ചു. തിരുവനന്തപുരം അതിവേഗ പ്രത്യേക കോടതി ജഡ്ജി ആര്. രേഖയാണ് ശിക്ഷ വിധിച്ചത്. പിഴ തുക അടച്ചില്ലെങ്കില് 19 മാസം കൂടുതല് തടവ് അനുഭവിക്കണം. പിഴ തുക കുട്ടിക്ക് നല്കണം.
കുട്ടിക്ക് 9 വയസ് ആയിരുന്നപ്പോള് മുതലാണ് പ്രതി പീഡിപ്പിച്ചത്. ലാത്തി രതീഷ് പത്തോളം ക്രിമിനല് കേസുകളില് പ്രതിയാണ്.
പ്രോസിക്യൂഷന് വേണ്ടി സ്പെഷല് പബ്ലിക് പ്രോസിക്യൂട്ടര് ആര്.എസ്. വിജയ് മോഹന്, അഡ്വ. അതിയന്നൂര് ആര്.വൈ. അഖിലേഷ് ഹാജരായി. പ്രോസിക്യൂഷന് 33 സാക്ഷികളെ വിസ്തരിക്കുകയും 40 രേഖകളും 2 തൊണ്ടിമുതലുകളും ഹാജരാക്കി. പേരൂര്ക്കട പോലീസ് ഇന്സ്പെക്ടര് വി. സൈജുനാഥ്, എസ്ഐ സഞ്ജു ജോസഫ് എന്നിവരാണ് കേസ് അന്വേഷിച്ചത്.
