ന്യൂദല്‍ഹി: ഹേമ കമ്മിറ്റി റിപ്പോര്‍ട്ട് ദേശീയ വനിതാ കമ്മീഷന് വിളിച്ചു വരുത്തും. റിപ്പോര്‍ട്ടിന്റെ കോപ്പി നല്‍കണമെന്നാവശ്യപ്പെട്ട് കമ്മീഷന് കേരള ചീഫ് സെക്രട്ടറിക്ക് കത്തെഴുതും.റിപ്പോര്‍ട്ടിന്റെ പൂര്‍ണ്ണ രൂപം വിളിച്ചു വരുത്തണമെന്ന് ബിജെപി കമ്മീഷനോട് ആവശ്യപ്പെട്ടിരുന്നു.
സിനിമ അടക്കമുള്ള അസംഘടിത മേഖലയിലെ സ്ത്രീകള്‍ അനുഭവിക്കുന്ന പ്രശ്‌നങ്ങള്‍, സിനിമയിലെ മയക്ക് മരുന്നിന്റെ സ്വാധീനം ഇവയെപ്പറ്റി പഠിക്കാന്‍ പ്രത്യേക സംഘത്തെ നിയോഗിക്കണമെന്നും വനിതാ കമ്മീഷനോട് ആവശ്യപ്പെട്ടു.
ബിജെപി സംസ്ഥാന വക്താവ് സന്ദീപ് വാചസ്പതി, കമ്മിറ്റി അംഗം പി. ആര്‍. ശിവശങ്കരന്‍ നേരിട്ട് കമ്മീഷന് നിവേദനം നല്‍കുകയായിരുന്നു.
കമ്മീഷന് മെമ്പര്‍ സെക്രട്ടറി മീനാക്ഷി നേഗി, അംഗം ഡെലീന കോങ്ഡപ് എന്നിവര്‍ നിവേദനം ഏറ്റു വാങ്ങി.അപേക്ഷയിന്‍മേല്‍ ഉടന്‍ നടപടി സ്വീകരിക്കുമെന്ന് കമ്മീഷന് ഉറപ്പ് നല്‍കിയതായി സന്ദീപ് പറഞ്ഞു
പ്രതികരിക്കാൻ ഇവിടെ എഴുതുക: