കൊല്ലം: ലൈംഗിക പീഡന ആരോപണം നേരിടുന്ന എം. മുകേഷ് എംഎല്എ സ്ഥാനം രാജിവെക്കണമെന്ന് ആവശ്യപ്പെട്ട് യുവമോര്ച്ചയുടെ വേറിട്ട പ്രതിഷേധം. മുകേഷിന്റെ പ്രതിരൂപം കെട്ടി കോഴിയെയും പിടിച്ച് യുവമോര്ച്ച പ്രവര്ത്തകര് ചിന്നക്കടയില് റോഡ് ഉപരോധിച്ചു.
ബിജെപി ജില്ലാ പ്രസിഡന്റ് ബി.ബി. ഗോപകുമാര് ഉദ്ഘാടനം ചെയ്തു. ആഭ്യന്തരവകുപ്പ് ഗത്യന്തരമില്ലാതെയാണ് മുകേഷിനെതിരെ കേസ് എടുത്തതെന്നും പിണറായി വിജയന്റെ സംരക്ഷണം
ഉള്ളതിനാലാണ് മുകേഷ് എംഎല്എ സ്ഥാനം രാജിവെക്കാത്തതെന്നും അദ്ദേഹം പറഞ്ഞു. യുവമോര്ച്ച ജില്ലാ പ്രസിഡന്റ് പ്രണവ് താമരക്കുളം അധ്യക്ഷത വഹിച്ചു. ബിജെപി ജില്ലാ ജനറല് സെക്രട്ടറി എസ്. പ്രശാന്ത് സംസാരിച്ചു. റോഡുപരോധിച്ച പ്രവര്ത്തകരെ പോലീസ് ബലം പ്രയോഗിച്ച് നീക്കി.
യുവമോര്ച്ച ജില്ലാ ജനറല് സെക്രട്ടറിമാരായ ഗോപകുമാര് യു, അഭിഷേക് മുണ്ടയ്ക്കല്, ജില്ലാ ഭാരവാഹി വിഷ്ണു, അനില്, ജില്ലാ കമ്മിറ്റിയംഗം അഭിരാരം, മണ്ഡലം പ്രസിഡന്റുമാരായ ശബരീനാഥ്, സുധീഷ്, ഭാരവാഹികളായ എം.എസ് ആദിത്യന്, വിഷ്ണു, ശ്രീകാന്ത്, മണി രഞ്ജിത, പ്രിയങ്ക, അനന്തു, ഗണേഷ്, ബിജെപി ജില്ലാ വൈസ് പ്രസിഡന്റ് ശശികലറാവു തുടങ്ങിയവര് പങ്കെടുത്തു.
അറസ്റ്റു ചെയ്ത പ്രവര്ത്തകരെ പിന്നീട് ജാമ്യത്തില് വിട്ടു.
